ముషీరాబాద్, వెలుగు: జనవరి 25 నుంచి 28 వరకు హైదరాబాద్ లోని ఆర్టీసీ కల్యాణ మండపంలో జరుగనున్న ఐద్వా 14వ జాతీయ మహాసభలను విజయవంతం చేయాలని సంఘం రాష్ట్ర ప్రధాన కార్యదర్శి మల్లు లక్ష్మి పిలుపునిచ్చారు. ఈనెల 25న బస్ భవన్ ప్రక్కన గ్రౌండ్లో భారీ బహిరంగ సభ నిర్వహించనున్నట్లు తెలిపారు.
సోమవారం బాగ్ లింగంపల్లిలోని సుందరయ్య విజ్ఞాన కేంద్రంలో ఐద్వా బహిరంగ సభకు సంబంధించిన వాల్ పోస్టర్ను ఆవిష్కరించారు. సమాజంలో స్త్రీలు ఎదుర్కొంటున్న అనేక సమస్యలపై ఐద్వా ఉద్యమిస్తోందన్నారు. కార్యక్రమంలో ఐద్వా రాష్ట్ర అధ్యక్షురాలు ఆర్.అరుణజ్యోతి, సహాయ కార్యదర్శులు కేఎన్ ఆశాలత, బుగ్గవీటి సరళ, ఐద్వా నాయకులు లక్ష్మమ్మ, పద్మ, రజిత, ఇందిర, కవిత తదితరులు పాల్గొన్నారు.
