పెబ్బేరు, వెలుగు: మండలంలోని వివిధ గ్రామాల్లో వేసిన మిరప పంట ఎండిపోకుండా జూరాల అధికారుల ఎడమ కాలువ డీ19 కు నీటిని వదలాలని ఆల్ పార్టీస్ నాయకులు, రైతులు డిమాండ్ చేశారు.
సోమవారం పెబ్బేరు పీజేపీ క్యాంప్లోని ఎస్ఈ సత్య శీలారెడ్డిని కలిశారు. మండలంలోని బున్యాదిపూర్, బూడిదపాడు, జనుంపల్లి, సుగూరు, కొత్త సూగూరు, పెంచికలపాడు, మునగమాన్దిన్నె గ్రామాల్లో రైతులు మిరప పంట వేసుకున్నారని, పంట ఎండకుండా ఫిబ్రవరి మొదటి వారం వరకు నీటిని విడుదల చేయాలని కోరారు. వెంకటరమణ, శ్రీనివాస్ గౌడ్, గోవింద్నాయుడు, శేఖర్, వనం రాములు, తిరుపతయ్య
పాల్గొన్నారు.
