ఐకాన్ స్టార్ అల్లు అర్జున్(Allu Arjun) ప్రస్తుతం ఫుల్ ఫోకస్ గా ఉన్నారు. ఆయన నటిస్తున్న తాజా చిత్రం పుష్ప ది రూల్(Pushpa The Rule). స్టార్ డైరెక్టర్ సుకుమార్(Sukumar) దర్శకత్వంలో వస్తున్న ఈ సినిమాపై దేశవ్యాప్తంగా భారీ అంచనాలు నెలకొన్నాయి. తెలుగు కంటే ఎక్కువగా హిందీలో ప్రేక్షకులు ఈ సినిమా కోసం ఈగర్ గా వెయిట్ చేస్తున్నారు. నార్త్ పుష్పరాజ్ క్రియేట్ చేసిన ఇంపాక్ట్ అలాటింది మరి. నిజం చెప్పాలంటే.. పుష్ప పార్ట్ 1కి తెలుగులో కంటే హిందీలోనే అదిరిపోయే రెస్పాన్స్ వచ్చింది. కలెక్షన్స్ కూడా అక్కడే ఎక్కువగా వచ్చాయి. దీంతో ఏ హిందీ సినిమాకు లేనంత క్రేజ్ ఏర్పడింది పుష్ప పార్ట్ 2పై.
అందుకే అల్లు అర్జున కూడా ఈ సినిమాపై చాలా ఫికస్డ్ గా ఉన్నారట. ఇక ఈ సినిమాకున్న క్రేజ్ కి రూ.1000 కోట్ల రేంజ్ లో బిజినెస్ జరుగుతుందని అంచనా. ప్రస్తుతం ఈ వార్త ఇండస్ట్రీ వర్గాల్లో చర్చనియ్యాంగా మారింది. ఒక తెలుగు సినిమాకు ఈ రేంజ్ లో బిజినెస్ జరగడం అంటే మాములు విషయం కాదు. అది కేవలం అల్లు అర్జున్ మెస్మరైజింగ్ పర్ఫార్మెన్స్ వల్లే జరుగుతోందనే కామెంట్స్ వినిపిస్తున్నాయి. దీంతో అల్లు అర్జున్ పుష్ప పార్ట్ 2 కోసం మరింత కేర్ తీసుకుంటున్నారట. ఈ సినిమాతో ఎలాగైనా రూ.1000 కోట్ల క్లబ్ లో చేరాలని చూస్తున్నారట. ఇప్పటికే.. ప్రభాస్, రామ్ చరణ్, ఎన్టీఆర్ ఈ ఫీట్ సాధించి లిస్టులో టాప్ లో ఉన్నారు. తాను కూడా సింగల్ గా వచ్చి ఆ రేర్ ఫీట్ ను సాధించాలని చూస్తున్నారట.
ఇక పుష్ప పార్ట్2 విషయానికి వస్తే.. సుకుమార్ తెరకెక్కిస్తున్న ఈ సినిమాలో నేషనల్ క్రష్ రష్మిక మందన్నా హీరోయిన్ గా నటిస్తున్నారు. పాన్ ఇండియా లెవల్లో మైత్రి మూవీ మేకర్స్ తెరకెక్కుతున్న ఈ సినిమా ఆగస్టు 15న ప్రేక్షకుల ముందుకు రానుంది. మరి ఈ సినిమా ఎలాంటి విజయాన్ని అందుకోనుందో చూడాలి.
