హైదరాబాద్, వెలుగు: కేంద్ర హోంశాఖ మంత్రి అమిత్ షా రెండు రోజుల తెలంగాణ పర్యటన చివరి నిమిషంలో రద్దయింది. ఈ నెల 3, 4 తేదీల్లో ఆయన రాష్ట్రంలో పర్యటించాల్సి ఉండగా.. ఆకస్మికంగా టూర్ రద్దు కావడం రాజకీయ వర్గాల్లో చర్చనీయాంశంగా మారింది.
షెడ్యూల్ ప్రకారం మెదక్, కరీంనగర్ జిల్లాల్లో ఏర్పాటు చేసిన పలు అధికారిక, పార్టీ కార్యక్రమాల్లో అమిత్షా పాల్గొనాల్సి ఉంది. దీనికి సంబంధించి నిర్వాహకులు, ఆఫీసర్లు ఇప్పటికే ఏర్పాట్లు పూర్తి చేశారు. కానీ అనూహ్యంగా ఆయన టూర్రద్దు కావడంతో పార్టీ శ్రేణులు తీవ్ర నిరాశకు గురయ్యాయి. అమిత్ షా పర్యటన రద్దు కావడానికి గల కారణాలపై పార్టీ వర్గాలు ఎలాంటి స్పష్టత ఇవ్వలేదు.
