హైదరాబాద్: హబ్సిగూడ నుంచి ఉప్పల్ వస్తున్న బెలోనో కారును వెనుక నుండి ఇన్నోవా కారు ఢీ కొట్టింది. ఉప్పల్ రింగు రోడ్డులో ఈ ఘటన జరిగింది. ఈ ప్రమాదం కారణంగా ట్రాఫిక్ జామ్ అయింది. బెలోనో కారు నడపతున్న యువతి కిమ్స్లో డాక్టర్ అని తెలిసింది. ఆమె నిద్ర మత్తులో ఉండడం వలన ఈ ప్రమాదం జరిగింది. కారులో రెండు ఎయిర్ బెలూన్స్ ఓపెన్ అవడంతో ఎటువంటి ప్రమాదం జరగలేదు.
ఈ ఘటనతో ట్రాఫిక్ జామ్ అయి వాహనాలు ఎక్కడికక్కడ నిలిచిపోవడంతో ట్రాఫిక్ పోలీసులు రంగంలోకి దిగి ట్రాఫిక్ను క్లియర్ చేశారు. అసలే ఉదయం నుంచి హైదరాబాద్ సిటీలో వర్షం పడుతుండటంతో ట్రాఫిక్ కారణంగా వాహనాలు నెమ్మదిగా కదులుతున్నాయి. ఇలాంటి సమయంలో.. కార్లు ఢీ కొట్టుకోవడంతో ట్రాఫిక్ సమస్య మరింత పెరిగింది. హైదరాబాద్లో భారీ వర్షాలు కురుస్తుండడంతో ప్రజలు అప్రమత్తంగా ఉండాలని అధికారులు ఇప్పటికే సూచించారు.
మూడు రోజుల పాటు భారీ వర్షాలు కురిసే అవకాశం ఉందని వాతావరణ శాఖ హెచ్చరికలు జారీ చేయడంతో అవసరమైతేనే బయటకు రావాలని అధికారులు అలర్ట్ చేశారు. హైదరాబాద్లో వాటర్ లాగింగ్ పాయింట్స్ వద్ద ట్రాఫిక్, జిహెచ్ఎంసి, వాటర్ బోర్డు అధికారులు ప్రత్యేక సిబ్బందిని ఏర్పాటు చేశారు. సైబరాబాద్ పోలీస్ కమిషనరేట్ పరిధిలోని ట్రాఫిక్ జామ్ లేకుండా ట్రాఫిక్ పోలీసులు ఐటీ కంపెనీలకు వర్క్ ఫ్రం హోమ్ అవకాశం ఉండేలా చూసుకోవాలని సూచన చేశారు.
రోడ్లపై వాటర్ లాగిన్ పాయింట్స్ వద్ద వాటర్ నిలవకుండా ఎప్పటికప్పుడు పర్యవేక్షించేందుకు కానిస్టేబుల్లను ఏర్పాటు చేసి పర్యవేక్షిస్తున్నారు. వర్షాల కారణంగా రోడ్లపై వెళ్లే వాహనదారులు ప్రమాదాలు జరుగకుండా పలు జాగ్రత్తలు పాటించాలని ట్రాఫిక్ పోలీసులు సూచించారు.
హబ్సిగూడ నుంచి ఉప్పల్ వస్తున్న బెలోనో కారును వెనుక నుంచి ఢీ కొట్టిన ఇన్నోవా కారు#Hyderabad #UppalXRoads #CarAccident pic.twitter.com/teuMKXaFrC
— Samba Siva Reddy Peram (@sivareddy_peram) July 23, 2025
