ఆంధ్రప్రదేశ్లో స్థానిక సంస్థల ఎన్నికల సందడి కొనసాగుతోంది. ఇప్పటికే మున్సిపల్ కార్పొరేషన్లు, మున్సిపాలిటీలు, నగర పంచాయతీల ఎన్నికలకు నామినేషన్ల స్వీకరణ గడువు ముగియగా.. లేటేస్ట్గా సోమవారం (అక్టోబర్ 19) ఎంపీటీసీ, జెడ్పీటీసీ ఎన్నికల నోటిఫికేషన్ విడుదల అయ్యింది. ఈ మేరకు రాష్ట్ర ఎన్నికల కమిషనర్ అనిల్ చంద్ర పునేఠా ఎన్నికల వివరాలను మీడియాకు వెల్లడించారు.
28 జిల్లా పరిషత్లు, 659 జెడ్పీటీసీలు, 659 ఎంపీపీలు, 9829 ఎంపీటీసీ స్థానాలకు ఎన్నికలు జరగనున్నాయి.
ఎంపీటీసీ, జడ్పీటీసీ ఎన్నికల నోటిఫికేషన్ విడుదల కావడంతో రాష్ట్రంలోని ప్రధాన రాజకీయ పార్టీలు దూకుడు పెంచాయి. గెలుపు గుర్రాల వేటలో పార్టీలు నిమగ్నమైపోయాయి. ఎన్నికల్లో ప్రత్యర్థులను చిత్తు చేసేలా అస్త్రశస్త్రాలు సిద్ధం చేసుకుంటున్నాయి.
MPTC, ZPTC ఎన్నికల నోటిఫికేషన్ వివరాలు:
- అక్టోబర్ 21 నుంచి 23వ తేదీ వరకు నామినేషన్ల స్వీకరణ
- అక్టోబర్ 24న నామినేషన్ల పరిశీలన
- అక్టోబర్ 27 వరకు నామినేషన్ల ఉపసంహరణకు అవకాశం
- నవంబర్ 3న ఎంపీటీసీ, జడ్పీటీసీ ఎన్నికలు
- నవంబర్ 5న ఓట్ల లెక్కింపు, ఫలితాల విడుదల
