- ఫేక్ కరెన్సీ, ప్రింటింగ్ మెషీన్, ఇతర సామగ్రి స్వాధీనం
శంషాబాద్, వెలుగు: నకిలీ ఫేక్కరెన్సీ ప్రింట్చేసి మార్కెట్ లో చలామని చేస్తున్న ఏపీకి చెందిన ఇద్దరిని శంషాబాద్ జోన్ ఎస్ఓటీ పోలీసులు అరెస్ట్చేశారు. డీసీపీ నారాయణరెడ్డి తెలిపిన వివరాల ప్రకారం.. ఏపీలోని అనకాపల్లి జిల్లా నర్సీపట్నానికి చెందిన తోమండ్ర రంజిత్ సింగ్(37), అదే జిల్లా రోలుగుంట మండలం కొవ్వూరుకు చెందిన మోహన్ రావు(43) శంషాబాద్ మున్సిపాలిటీ పరిధి తొండుపల్లి వద్ద ఓ స్టార్ హోటల్లో ఉంటూ ఫేక్కరెన్సీ నోట్లను ప్రింట్చేస్తున్నారు.
సమాచారం అందుకున్న శంషాబాద్ ఎస్ఓటీ పోలీసులు ఆ హోటల్ పై దాడి చేసి, వారి నుంచి రూ.8లక్షల55వేల ఫేక్కరెన్సీని స్వాధీనం చేసుకున్నారు. 50, 100, 200, 500 నోట్లను ప్రింట్చేస్తున్నట్లు పోలీసులు గుర్తించారు. మూడు ఫోన్లు, ఓ కంప్యూటర్, ప్రింటింగ్ మెషీన్ తోపాటు ఇతర వస్తువులను స్వాధీనం చేసుకున్నారు. నిందితులను రిమాండ్ కు తరలించినట్లు డీసీపీ చెప్పారు.
