- 144 మందితో మధ్యప్రదేశ్ ఫస్ట్ లిస్ట్
- చత్తీస్గఢ్ నుంచి 30 మంది ఎంపిక
న్యూఢిల్లీ: అసెంబ్లీ ఎన్నికల్లో భాగంగా మధ్యప్రదేశ్, చత్తీస్గఢ్, తెలంగాణ రాష్ట్రాలకు సంబంధించిన అభ్యర్థుల తొలి జాబితాను ఆదివారం కాంగ్రెస్ అధిష్టానం రిలీజ్ చేసింది. మధ్యప్రదేశ్లో 144 మందిని, చత్తీస్గఢ్ లో 30 మందిని, తెలంగాణలో 55 మందిని పార్టీ అభ్యర్థులుగా ఎంపిక చేసింది. మధ్యప్రదేశ్ మాజీ సీఎం, పీసీసీ చీఫ్ కమల్నాథ్ చింద్వారా సెగ్మెంట్ నుంచి పోటీ చేస్తున్నారు. మాజీ సీఎం, మాజీ రాజ్యసభ సభ్యుడు విజయ్లక్ష్మి సాధో మహేశ్వరం (ఎస్సీ) నుంచి, మాజీ మంత్రి జీతు పట్వారి.. రావు సెగ్మెంట్ నుంచి బరిలో ఉంటారు. ప్రదేశ్ కాంగ్రెస్ చీఫ్ దీపక్ బైజ్ చిత్రకూట్ (ఎస్టీ) నుంచి బరిలో ఉంటారు.
69 మంది సిట్టింగ్ ఎమ్మెల్యేలకు మళ్లీ టికెట్లు
మధ్యప్రదేశ్లో మొత్తం 230 అసెంబ్లీ స్థానాలు ఉండగా.. 144 మందితో ఫస్ట్ లిస్ట్ రిలీజ్ అయింది. వీరిలో 69 మంది సిట్టింగ్లకే మళ్లీ సీట్లు కేటాయించింది. బుడ్ని నియోజకవర్గం సీఎం శివరాజ్సింగ్ చౌహాన్పై పోటీగా కాంగ్రెస్ టికెట్ సినీ నటుడు విక్రమ్ మస్తల్కు ఇచ్చారు. విక్రమ్ మస్తల్.. రామాయణం సీరియల్లో హనుమంతుడి పాత్ర పోషించారు.
చత్తీస్గఢ్ నుంచి 30 మంది ఎంపిక
90 అసెంబ్లీ స్థానాలు ఉన్న చత్తీస్గఢ్లో 30 మంది అభ్యర్థుల పేర్లను కాంగ్రెస్ హైకమాండ్ రిలీజ్ చేసింది. సీఎం భూపేశ్ బాఘెల్ పటాన్ సెగ్మెంట్ నుంచి, డిప్యూటీ సీఎం టీఎస్ సింగ్ డియో అంబికాపూర్ నియోజకవర్గం నుంచి బరిలోకి దిగుతున్నారు.
