హైదరాబాద్ సిటీ బస్సులో షాకింగ్ ఘటన.. కాచిగూడ నుంచి పటాన్ చెరుకు బస్సు వెళుతుండగా..

హైదరాబాద్: హైదరాబాద్⁬లో సిటీ బస్ డ్రైవర్⁬పై ఓ వ్యక్తి దాడికి యత్నించాడు. ఈ ఘటనకు సంబంధించిన వీడియో సోషల్ మీడియాలో వైరల్ అయింది. మియాపూర్ ఆల్విన్ చౌరస్తా వద్ద ఆర్టీసీ బస్ డ్రైవర్⁬పై దాడికి యత్నించారు. కాచిగూడ నుంచి పటాన్ చెరుకు ఆర్టీసీ సిటీ బస్సు వెళ్తున్న క్రమంలో ఈ ఘటన జరిగింది. తన ట్రాన్స్⁬పోర్ట్ ఆటోకు దారి ఇవ్వడం లేదంటూ బస్సును ఆపి డ్రైవర్ ఫోన్ లాక్కొని ఆటో డ్రైవర్ దాడికి యత్నించాడు.

రన్నింగ్⁬లో ఉన్న బస్సు ఎక్కి కిటికీ బయట నుంచి డ్రైవర్⁭ను బస్సు డ్రైవ్ చేయనివ్వకుండా చెయ్యి పట్టుకుని ఆటో డ్రైవర్ తాళాలు లాగే ప్రయత్నం చేశాడు. బస్సులో ప్రయాణికులు ఉన్నారని కనీసం ఇంగిత జ్ఞానం కూడా లేకుండా ఆటో డ్రైవర్ ప్రవర్తించడంపై వీడియో చూసిన నెటిజన్లు మండిపడ్డారు. బస్సులోని ప్రయాణికుల చొరవతో వివాదం సద్దుమణిగింది.

డ్యూటీలోని ఆర్టీసీ ఉద్యోగులు, సిబ్బందిపై దాడులకు పాల్పడిన వారిపై కఠిన చర్యలు తీసుకుంటామని సంస్థ ఎండీ సజ్జనార్ ఇప్పటికే హెచ్చరించిన సంగతి తెలిసిందే. పోలీస్ శాఖ సహకారంతో నిందితులకు కఠిన శిక్షలు పడేలా చూస్తామని, హిస్టరీ షీట్స్ కూడా తెరుస్తామన్నారు. తమ సిబ్బంది ఆత్మస్థైర్యాన్ని దెబ్బతిసే, మనోవేదనకు గురిచేసే ఇలాంటి దాడులను టీఎస్ఆర్టీసీ ఏ మాత్రం సహించబోదని, నిందితులపై చట్టప్రకారం శిక్షిస్తామని ఆయన స్పష్టం చేశారు.