ఖైరతాబాద్, వెలుగు: తేనెటీగల పెంపకంపై ఈ నెల 15,16 తేదీల్లో యూసుఫ్గూడలోని నేషనల్ ఇనిస్టిట్యూట్ ఫర్ మైక్రో, స్మాల్ అండ్ మీడియం ఎంటర్ ప్రైజెస్(నిమ్స్ మే)లో రెండ్రోజుల పాటు జాతీయ సదస్సును నిర్వహించనున్నట్లు ఫ్యాకల్టీ శ్రీకాంత్ శర్మ, రాజేంద్రప్రసాద్ తెలిపారు.
గురువారం సోమాజిగూడ ప్రెస్క్లబ్లో జరిగిన మీడియా సమావేశంలో వారు మాట్లాడుతూ.. నేషనల్ బీ బోర్డు అధికారులు, సైంటిస్టులు తేనెటీగల పెంపకంపై అవగాహన కలిగిస్తారన్నారు. ఈ సదస్సులో అగ్రికల్చర్, హార్టికల్చర్, అటవీ శాఖ అధికారులు, అగ్రికల్చర్ స్టూడెంట్లు, రైతులు పాల్గొంటారన్నారు. ఆసక్తి ఉన్న వారు తమ పేర్లను నమోదు చేసుకోవాలని, మరిన్ని వివరాలకు 040–-23633228 నంబర్లను సంప్రదించాలన్నారు.
