కొత్తగూడ,వెలుగు : ‘ఖబడ్దార్...ఎక్కువ తక్కువ మాట్లాడుతున్నావ్...నీకు మంచిది కాదు’ అంటూ మహబూబాబాద్ ఎంపీ కవితపై కాంగ్రెస్ ఎంపీ అభ్యర్థి మాజీ కేంద్ర మంత్రి బలరాం నాయక్ ఫైర్ అయ్యారు. బుధవారం మహబూబాబాద్ జిల్లా కొత్తగూడలో ఆయన మీడియాతో మాట్లాడుతూ మంగళవారం కురవిలో ఎంపీ కవిత తనపై చేసిన అరోపణలను ఖండించారు.
మహబూబాబాద్ పార్లమెంట్పరిధిలో తాను చేసిన అభివృద్ధే తప్పించి కవిత చేసిందేమిటో తేల్చేందుకు చర్చకు రావాలని సవాల్ విసిరారు. వెంట పీసీసీ స్టేట్అర్గనైజింగ్ సెక్రెటరీ చల్లా నారాయణ రెడ్డి, ఎంపీపీ విజయ రూప్సింగ్, మండల పార్టీ అధ్యక్షుడు వజ్జ సారయ్య, లీడర్లు బిట్ల శ్రీనివాస్, సుభాష్ రెడ్డి, సంజీవ రెడ్డి, బిక్షపతి, ప్రశాంత్ ఉన్నారు.
