ఏపీ శ్రీకాళహస్తి పట్టణంలో పిన్ కేర్ బ్యాంకులో భారీ దొంగతనం జరిగింది. గురువారం రాత్రి 11 గంటల టైంలో మేనేజర్ ఆడిటింగ్ చేసుకుంటుండగా బ్యాంక్ లోకి చొరబడ్డారు దొంగలు. లాకర్ల నుంచి 85 లక్షల విలువ చేసే నగలు, 5 లక్షల రూపాయలు ఎత్తుకెళ్తారు. బ్యాంక్ లో దొంగతనంకు సంబంధించి కేసు ఫైల్ చేసిన పోలీసులు దర్యాప్తు చేస్తున్నారు. అయితే సీసీ కెమెరా రికార్డులను కూడా తీసుకెళ్లినట్లు తెలుస్తోంది. ఇక ఈ ఘటనపై దర్యాప్తు చేపట్టిన పోలీసులు దుండగుల కోసం గాలిస్తున్నారు. కాగా ఈ ఏడాది ఏప్రిల్ 30న అనకాపల్లిలో గ్రామీణ బ్యాంకులో కూడా దోపిడి జరిగింది. తుపాకీతో క్యాషియర్ ను బెదిరించిన దుండగుడు మూడున్నర లక్షల నగదును ఎత్తుకెళ్లాడు.
