- భద్రాచలం ఆర్డీఓ ఆఫీసును ముట్టడించిన కాంగ్రెస్నేతలు
భద్రాచలం, వెలుగు : భద్రాచలం నియోజకవర్గంలో ప్రభుత్వ పథకాలన్నీ బీఆర్ఎస్ నాయకులు, కార్యకర్తల జేబుల్లోకే పోతున్నాయని ఎమ్మెల్యే పొదెం వీరయ్య ఆరోపించారు. శుక్రవారం కాంగ్రెస్ పార్టీ ఆధ్వర్యంలో స్థానిక ఆర్డీఓ ఆఫీసును ముట్టడించారు. ప్రభుత్వానికి వ్యతిరేకంగా నినాదాలు చేశారు. అనంతరం ఆర్డీఓ మంగీలాల్కు వినతిపత్రం ఇచ్చారు. ఈ సందర్భంగా ఎమ్మెల్యే వీరయ్య మాట్లాడుతూ.. అర్హులకు దళితబంధు, బీసీలకు రూ.లక్ష సాయం, గృహలక్ష్మి, డబుల్బెడ్రూమ్ ఇళ్లు ఇవ్వకుండా ప్రభుత్వం తీరని అన్యాయం చేస్తోందన్నారు.
కేసీఆర్పేదల పొట్టగొట్టి ఎన్నికల వేళ తమ లీడర్లు, కార్యకర్తల జేబులు నింపే పనిలో పడ్డారని విమర్శించారు. స్థానిక మంత్రులు, ఎమ్మెల్సీలు, ఎమ్మెల్యేలు అధికారులపై ఒత్తిడి తెచ్చి పథకాలను తమ క్యాడర్కు దోచిపెడుతున్నారని మండిపడ్డారు. బీఆర్ఎస్దొంగల ముఠాను తరిమికొట్టేందుకు రాష్ట్ర ప్రజలు సిద్ధం కావాలని పొదెం వీరయ్య పిలుపునిచ్చారు. నిరసన కార్యక్రమంలో భద్రాచలం టౌన్ కాంగ్రెస్ అధ్యక్షుడు సరెళ్ల నరేశ్, టీపీసీసీ సభ్యులు బుడగం శ్రీనివాసరావు, నల్లపు దుర్గాప్రసాద్, నియోజకవర్గంలోని అన్ని మండలాల పార్టీ అధ్యక్షులు పాల్గొన్నారు.
