పబ్జీ లొల్లి ప్రాణం తీసింది

పబ్జీ లొల్లి ప్రాణం తీసింది

మంగళూర్: పబ్జీ ఆట విషయంలో జరిగిన గొడవ బాలుడి హత్యకు దారితీసింది. ఈ ఘటన కర్నాటకలోని మంగళూర్​లో ఆదివారం జరిగింది. ఉల్లాల్ సిటీకి చెందిన మహమ్మద్ అకీఫ్(12) పబ్జీ గేమ్​కు అడిక్ట్ అయ్యాడు. ఆన్ లైన్​లో పరిచయమైన మరో టీనేజర్(17) తో తరచూ గేమ్ ఆడుతుండేవాడు. అయితే ప్రతిసారీ అకీఫ్ గెలుస్తుండేవాడు. దీంతో అతడు వేరే వాళ్ల సాయం తీసుకొని గెలుస్తున్నాడని టీనేజర్ ఆరోపించాడు. ఇద్దరం డైరెక్ట్​గా కూర్చొని గేమ్ ​ఆడుదామని సవాల్ విసిరాడు. దానికి అకీఫ్ ​అంగీకరించాడు. శనివారం ఇద్దరూ కలిసి గేమ్ ఆడారు. అందులో అకీఫ్ ఓడిపోయాడు. దీంతో ఇద్దరి మధ్య గొడవ జరిగింది. అకీఫ్.. టీనేజర్​పై రాయి విసిరాడు. దీంతో అతడు కోపంలో పెద్దరాయిని అకీఫ్ పైకి విసిరాడు. అకీఫ్ అక్కడికక్కడే చనిపోయాడు. డెడ్ బాడీని పక్కకు ఈడ్చుకెళ్లి.. అరటి, కొబ్బరి ఆకులు కప్పి టీనేజర్ వెళ్లిపోయాడు. ఆదివారం డెడ్ బాడీ భయటపడడంతో హత్య వెలుగులోకి వచ్చింది.