- ఫిషరీస్ చైర్మన్ మెట్టు సాయి కుమార్
హైదరాబాద్, వెలుగు: తెలంగాణ అమరవీరుల ఘోషతోనే బీఆర్ఎస్ కు వరుస ఓటములు ఎదురవుతున్నాయని రాష్ట్ర ఫిషరీస్ చైర్మన్ మెట్టు సాయికుమార్ ఆరోపించారు. గురువారం గాంధీ భవన్ లో ఆయన మీడియాతో మాట్లాడారు. తెలంగాణ అమరుల కుటుంబాలకు అన్యాయం చేసిన హరీశ్రావు ఇప్పుడు ఏవేవో మాట్లాడుతున్నారని ధ్వజమెత్తారు.
నిత్యం బూతులు మాట్లాడే హరీశ్.. ఇప్పుడు నీతులు మాట్లాడితే తెలంగాణ జనం నవ్వుకుంటున్నారని విమర్శించారు. గత పదేళ్లలో హరీశ్ సంపాదించిన ఆస్తులు ఎన్ని, అంతకు ముందు ఆయన ఆస్తి ఎంత అని ప్రశ్నించారు.
