మాదాపూర్, వెలుగు : ఆకస్మిక గుండె మరణాలకు సీపీఆర్ తో చెక్ పెట్టి.. ప్రాణాలను కాపాడొచ్చని మెడికవర్ హాస్పిటల్ ఇంటర్వెన్షనల్ కార్డియాలజిస్ట్ డాక్టర్ శరత్ రెడ్డి తెలిపారు. శుక్రవారం ‘వరల్డ్ హార్ట్ డే’ సందర్భంగా మాదాపూర్లోని మెడికవర్ హాస్పిటల్లో నిఫ్ట్(నేషనల్ ఇనిస్టిట్యూట్ ఆఫ్ ఫ్యాషన్ టెక్నాలజీ) స్టూడెంట్లకు డాక్టర్లు సీపీఆర్ పై అవగాహన కల్పించారు. ఈ సందర్భంగా శరత్ రెడ్డి మాట్లాడుతూ.. సీపీఆర్ అనేది గుండె కొట్టుకోవడం ఆగిపోయినప్పుడు చేసే అత్యవసర ప్రాసెస్ అని అన్నారు. కార్డియాక్ అరెస్ట్కు గురైనప్పుడు శరీర అవయవాలకు రక్త ప్రసరణను కొనసాగించడమే సీపీఆర్ లక్ష్యమన్నారు.
సడెన్ కార్డియాక్ అరెస్ట్ మెడికల్ ఎమర్జెన్సీపై స్పందించేందుకు ప్రతి ఒక్కరికి అవగాహన కల్పించడానికి హార్ట్ సేవర్స్ పేరుతో మెడికవర్ హాస్పిటల్స్ దేశవ్యాప్తంగా సీపీఆర్ పై శిక్షణ ఇస్తోందన్నారు. ఈ ప్రచారంలో భాగంగా స్కూల్స్, రెసిడెన్షియల్ పోటీలు, ప్రభుత్వ ఏజెన్సీలు, పోలీస్ స్టేషన్లు, ఇతర పబ్లిక్ ప్లేసెస్లో సీపీఆర్ పై అవగాహన కల్పించామన్నారు. మెడికవర్ హాస్పిటల్స్ చైర్మన్, మేనేజిండ్ డైరెక్టర్ అనిల్ కృష్ణ మాట్లాడుతూ.. కార్డియోపల్మనరీ రెససిటేషన్ విలువను అర్థం చేసుకోవడం చాలా ముఖ్యమన్నారు. కార్యక్రమంలో మెడికవర్ డాక్టర్లు, సిబ్బంది, నిఫ్ట్ కాలేజీ స్టూడెంట్లు, ఫ్యాకల్టీ పాల్గొన్నారు.
