హనుమకొండ జిల్లా ఐనవోలు మండలం నందనం గ్రామంలో విషాదం చోటు చేసుకుంది. చెట్టుకొమ్మ విరిగిపడి నిద్రలోనే తొమ్మిదేళ్ల చిన్నారి మృతి చెందింది. గ్రామంలోని కన్న రజిత సురేందర్ లకు ఓ కుమారుడు కుమార్తె ఉన్నారు. తొమ్మిదేళ్ల కూతురు శ్రీజ ఇంటి ముందు వేప చెట్టు కింద మంచంపై పడుకుంది. ఇవాళ తెల్లవారుజామున అకస్మాత్తుగా వేపచెట్టు నుండి కొమ్మ విరిగి నిద్రపోతున్న శ్రీజపై పడింది. అక్కడికక్కడే ఆ చిన్నారి ప్రాణాలు విడిచింది. చిన్నారి మృతితో నందనం గ్రామంలో విషాద ఛాయలు అలుముకున్నాయి. కుటుంబ సభ్యులు కన్నీరు మున్నీరవుతున్నారు.
