ముషీరాబాద్, వెలుగు: తెలుగు సినీ డిజిటల్ ఆర్టిస్ట్ యూనియన్లో దొంగ సభ్యత్వాలు నమోదయ్యాయని, సంఘం ఎన్నికల్లో గెలిచేందుకు కొందరు కుట్రలు పన్నుతున్నారని తెలుగు సినిమా వేదిక రాష్ట్ర గౌరవ అధ్యక్షుడు తుమ్మల ప్రపుల్ రాంరెడ్డి ఆరోపించారు. ఈ నెల 28న జరగనున్న ఎన్నికలను వాయిదా వేయాలని కోరారు. ఈ మేరకు శుక్రవారం చిక్కడపల్లిలోనే లేబర్ కార్యాలయంలో వేదిక ప్రతినిధులు లారా, మోహన్ బైరాగితో కలిసి రాష్ట్ర కార్మికశాఖ అడిషనల్కమిషనర్ గంగాధర్ కు వినతిపత్రం అందజేశారు.
అనంతరం మాట్లాడుతూ.. తెలుగు సినీ డిజిటల్ ఆర్టిస్ట్ యూనియన్లో వెల్లంకి శ్రీనివాస్, కేడీ.రాజు, నర్సింహారెడ్డి ఆగడాలకు అడ్డూఅదుపు లేకుండా పోతోందన్నారు. వీరు సభ్యత్వాల పేరిట సేకరించిన డబ్బుల లెక్క తేల్చి, దొంగ సభ్యత్వాలను తొలగించిన తర్వానే ఎన్నికలు నిర్వహించేలన్నారు. కేసీఎస్.ప్రసాద్, శంకర్ పాల్గొన్నారు.
