బరువు తగ్గాలంటే ఫ్రూట్ జ్యూస్ బెటరా లేక కొబ్బరి నీళ్లు బెటరా..!

బరువు తగ్గడం విషయానికొస్తే కొబ్బరి నీరు, పండ్ల రసం.. ఈ రెండు వాటి ప్రత్యేక ప్రయోజనాలు, అప్రయోజనాలను కలిగి ఉంటాయి. నిర్ణయం తీసుకునేటప్పుడు వాటిలోని కేలరీల కంటెంట్, ఫైబర్, చక్కెర, పోషకాల కంటెంట్ వంటి అంశాలను పరిగణలోకి తీసుకోవడం చాలా అవసరం.

కొబ్బరినీరు పండరసం దాహాన్ని తీర్చడం, హైడ్రేట్ గా ఉంచడానికి మంచి ఎంపికలు. అయితే బరువు తగ్గడానికి వీటిలో ఏది మంచిది అన్న విషయానికొస్తే.. కొబ్బరి నీరు ఇటీవల కాలంలో చక్కెర పానీయాలకు ఆరోగ్యకరమైన హైడ్రేటింగ్ ప్రత్యామ్నాయంగా పేరుపొందింది. ఇందులోని స్వచ్ఛమైన నీరు,  స్పోర్ట్స్ ఎలక్ట్రోలైట్ కంటెంట్ కారణంగా నాచురల్ స్పోర్ట్స్ డ్రింక్ గా ప్రసిద్ధి చెందింది. నారింజ, ఆపిల్, ద్రాక్ష వంటి పండ్ల నుంచి తీసిన రసంలో శరీరానికి ఆరోగ్యాన్నిచ్చే, అవసరమైన విటమిన్లు, ఖనిజాలు అధికంగా ఉంటాయి.

 కేలరీల కంటెంట్

 బరువు తగ్గడానికి కొబ్బరి నీరు పండ్ల రసాన్ని ఎన్నుకునేటప్పుడు పరిగణించవలసిన ప్రధాన కారకాల్లో ఒకటి వాటి కేలరీల కంటెంట్. ఈ అంశంలో కొబ్బరినీళ్లు ముందుంటాయి. ఒక కప్పు కొబ్బరి నీళ్లలో దాదాపు 46 కేలరీలు ఉంటాయి. అయితే ఒక కప్పు పండ రసంలో ఉపయోగించే పండు రకాన్ని బట్టి 120 నుండి 200 కేలరీల వరకు ఉండవచ్చు.

పండ్ల రసాలలో సాధారణంగా సహజ చక్కెరలు ఎక్కువగా ఉంటాయి. ఇవి ఎక్కువ సంతృప్తిని అందించకుండా కేలరీలను జోడిస్తాయి. ఈ రెండిటిని పోల్చి చూస్తే కొబ్బరినీళ్ళలో చక్కెర శాతం తక్కువగా ఉంటుంది. పొటాషియం, మెగ్నీషియం వంటి ఎలక్ట్రోలైట్లను కూడా కలిగి ఉంటాయి. ఇవి వ్యాయామ సమయంలో హైడ్రేట్ గా ఉండేటందుకు సహాయపడతాయి.

మరో గుర్తుంచుకోదగిన విషయం ఏమిటంటే.. కొబ్బరి నీళ్లు, పండరసం రెండింటిని మితంగా తీసుకోవాలి. లేదంటే రెండిట్లోనూ ఉండే అదనపు కేలరీలు బరువు పెరగడానికి దోహదం చేస్తాయి.

ఫైబర్ కంటెంట్

ఫైబర్ బరువు తగ్గడానికి అవసరమైన పోషకం. ఎందుకంటే ఇది సంతృప్తిని ప్రోత్సహిస్తుంది. మనల్ని ఎక్కువసేపు కడుపు నిండుగా ఉంచడంలో సహాయపడుతుంది. ఫైబర్ కంటెంట్ విషయానికొస్తే పండరసం దీనికి ప్రతికూలంగా ఉంటుంది. పండ్లను జ్యూస్ చేయడం వల్ల ఫైబర్ చాలా వరకు తొలగిపోతుంది. ద్రవ, సహజ చక్కెరలను ఇది తొలగిస్తుంది. కొబ్బరి నీళ్ల విషయానికొస్తే తక్కువ మొత్తంలో ఫైబర్ ఉంటుంది ఇది జీర్ణక్రియకు సహాయపడుతుంది. మనల్ని సంతృప్తిగా ఉంచుతుంది.

చక్కెర స్థాయిలను నియంత్రించడంలో ఫైబర్ కీలక పాత్ర పోషిస్తుంది. ఇది మన కోరికలు, మొత్తం కేలరీలు తీసుకోవడం పై ప్రభావం చూపుతుంది. కొబ్బరినీటిని స్పోర్ట్స్ డ్రింకుతో పోల్చిన ఒక అధ్యయనం.. మధుమేహం ఉన్నవారిలో రక్తంలో చక్కెర స్థాయిలను ఇన్సులిన్ సెన్సిటివ్ ని మెరుగుపరచడంలో సహాయపడుతుందని కనుగొన్నారు.

 చక్కెర స్థాయిలు

 మార్కెట్లోని చాలా పండురాసాల్లో ఉన్నది 100% రసం కాదు కొన్నిట్లలో రుచి కోసం జోడించిన చక్కెరలు ఉంటాయి. ఈ జోడించిన చెక్కర్లు అధిక కేలరీలు బరువు తగ్గించే ప్రయత్నాలకు ఆటంకం కలిగిస్తాయి లేబుల్స్ను జాగ్రత్తగా చదవడం 100% ఫ్రూట్ జ్యూస్ ఆప్షన్లను ఎంచుకోవడం లేదా మొత్తం పండ్లను ఉపయోగించి ఇంట్లో మీ సొంతంగా జ్యూస్లని తయారు చేసుకోవడం చాలా ఉత్తమం.

కొబ్బరి నీరు ఆరోగ్యానికి సరైన ఎంపిక. కానీ ముందు చెప్పినట్లు దీన్ని ఎక్కువగా తీసుకుంటే ఇందులోని అదనపు కేలరీలు బరువు పెరగడానికి దారి తీయవచ్చు. కాబట్టి దీన్ని మితంగా తీసుకోవడం చాలా ముఖ్యం.

బరువు తగ్గడం విషయానికొస్తే ఈ రెండు అందరికీ సరిపోలకపోవచ్చు. మొత్తం కేలరీలను పరిగణలోకి తీసుకోవడం, ప్రాధాన్యతలకు అనుగుణంగా ఉండే ఆహారాలు చేర్చుకోవడం చాలా అవసరం. కానీ కొబ్బరి నీళ్ళు, పండు రసాలు అన్న చర్చ విషయానికొస్తే.. కొబ్బరినీళ్లు కొంచెం అదనపు లాభాలను కలిగి ఉంటుంది. ఇందులోని తక్కువ కేలరీలు, చక్కెర కంటెంట్ తో పాటు ఎలక్ట్రోలైట్స్ అదనపు ప్రయోజనాలను అందిస్తుంది. కావున ఇది బరువు తగ్గడానికి సరైన ఎంపిక అని చెప్పవచ్చు.