సదాశివనగర్, వెలుగు: పిల్లలను తల్లిదండ్రులు ప్రభుత్వ పాఠశాలల్లో చేర్పించాలని కలెక్టర్ ఆశిష్ సాంగ్వాన్ కోరారు. గురువారం సదాశివనగర్మండలం అడ్లూర్ ఎల్లారెడ్డిలోని హరిజన వాడ ప్రభుత్వ పాథమిక పాఠశాలలో బడిబాట కార్యక్రమాన్ని ప్రారంభించారు. ఈ సందర్భంగా ఆయనకు విద్యార్థులకు పూలు చల్లుతూ స్వాగతం పలికారు. పిల్లలకు పుస్తకాలు, దుస్తులు పంపిణీ చేసిన కలెక్టర్పాఠశాల ఆవరణలో మొక్కలు నాటారు. అనంతరం ఏర్పాటు చేసిన సమావేశంలో మాట్లాడుతూ.. ప్రభుత్వ పాఠశాలల్లో ప్రభుత్వం సకల సౌకర్యాలు కల్పిస్తోందని తెలిపారు.
దాతలు చాలామంది ముందుకొచ్చి స్కూళ్లను తమ వంతుగా అభివృద్ధి చేస్తున్నారని చెప్పారు. దేవాయిపల్లికి చెందిన సైంటిస్ట్పైడి ఎల్లారెడ్డి పాఠశాలకు రంగులు వేయించడం హర్షణీయమన్నారు. అలాగే గాయత్రీ షుగర్స్ ఫ్యాక్టరీ వారు ఫర్నీచర్అందించారని పేర్కొన్నారు. విద్యార్థులకు మధ్యాహ్న భోజనం, యూనిఫామ్, పుస్తకాలు ఇస్తూ అనుభవం గల ఉపాధ్యాయులతో ఇంగ్లీష్ మీడియంలో విద్యాబోధన సాగిస్తున్నట్లు తెలిపారు.
కలెక్టర్ ను మాజీ సర్పంచ్పైడి జానకి, వీడీసీ చైర్మన్ ముదం సత్యం, పైడి ఎల్లారెడ్డి సన్మానించారు. డీఈవో రాజు, ఎంఈవో యోసెఫ్, మండల ప్రత్యేక అధికారి సతీశ్, తహసీల్దార్ సత్యనారాయణ, సొసైటీ చైర్మన్ సదాశివరెడ్డి, బీజేపీ రాష్ట్ర నాయకుడు సంకరి విఠల్, మండల ప్రధాన కార్యదర్శి చక్రధర్గౌడ్, సీడీపీవో శ్రీలత, సూపర్వైజర్పద్మ, అంగన్వాడీ టీచర్లు తదితరులు పాల్గొన్నారు.
బాల కార్మిక వ్యవస్థ నిర్మూలనకు కృషి చేయాలి
కామారెడ్డి టౌన్, వెలుగు: బాల కార్మిక వ్యవస్థ నిర్మూలనకు అందరూ కృషి చేయాలని కలెక్టర్ ఆశిష్ సాంగ్వాన్సూచించారు. ప్రపంచ బాల కార్మిక వ్యతిరేక దినోత్సవాన్ని పురష్కరించుకొని గురువారం కలెక్టరేట్లో పోస్టర్రిలీజ్చేశారు. ఈ సందర్భంగా ఆయన మాట్లాడుతూ.. 14 ఏండ్లలోపు పిల్లలు తప్పనిసరిగా బడిలో ఉండాలన్నారు. పిల్లలను పనికి పంపించడం వల్ల ఆరోగ్యం దెబ్బతిని, వారి భవిష్యత్ఇబ్బందుల్లో పడుతుందని తెలిపారు.
బాల కార్మికులను గుర్తించడంలో క్షేత్రస్థాయి అధికారులు బాధ్యతగా పని చేయాలన్నారు. జిల్లా చైల్డ్ వెల్ఫేర్ ఆఫీసర్ప్రమీల, జిల్లా కార్మిక శాఖ అధికారి కోటేశ్వర్లు, సూపరింటెండెంట్ విజయ్భాస్కర్, జిల్లా చైల్డ్ ప్రొటెక్షన్ఆఫీసర్స్రవంతి, సాధన కోఆర్డినేటర్ గిరిజ తదితరులున్నారు.
ఆట వస్తువులు అందుబాటులో ఉంచండి
కామారెడ్డి పట్టణవాసులకు ఆహ్లాదకరమైన వాతావరణం కల్పించడంతోపాటు పిల్లలు ఆట వస్తువులు అందుబాటులో ఉంచాలని కలెక్టర్ఆశిష్ సాంగ్వాన్సూచించారు. కామారెడ్డి మున్సిపాలిటీ 13వ వార్డు పార్క్లో ఏర్పాటు చేసిన ఆట పరికరాలను గురువారం ఆయన ప్రారంభించారు. పార్క్ లు క్లీన్గా ఉండేలా చర్యలు తీసుకోవాలన్నారు. మున్సిపల్ కమిషనర్ రాజేందర్రెడ్డి, ఏఈ శంకర్, వార్డు ఆఫీసర్ దీప్తి తదితరులున్నారు.
