- సూర్యాపేట జిల్లా ఎన్నికల అధికారి, కలెక్టర్ ఎస్. వెంకట్రావు
సూర్యాపేట, వెలుగు : జిల్లాలో ఎన్నికల నియమావళిని తప్పక పాటించాలని సూర్యాపేట జిల్లా ఎన్నికల అధికారి, కలెక్టర్ ఎస్. వెంకట్రావు సూచించారు. గురువారం కలెక్టరేట్ లో మీడియా సెంటర్, ఎం‌‌సీఎంసీ కేంద్రాన్ని అడిషనల్ కలెక్టర్ సీహెచ్ ప్రియాంకతో కలిసి ఆయన ప్రారంభించారు. ఈ సందర్భంగా కలెక్టర్ మాట్లాడుతూ జిల్లాలోని ఎన్నికల సమాచారం మీడియాకు సెంటర్ ద్వారా అందజేస్తామన్నారు. ఈ కేంద్రం ద్వారా జిల్లాకు సంబంధించిన పెయిడ్ న్యూస్, ఫిర్యాదులు వాటి సమస్యలు పరిశీలించడం, డెయిలీ పేపర్లలో వచ్చే వార్తలు, ఎలక్ట్రానిక్, కేబుల్ ప్రకటనలు పరిశీలన చేస్తామని తెలిపారు.
ALSO READ: లైసెన్స్ ఆయుధాలు డిపాజిట్ చేయాలి : కలెక్టర్ ఆర్.వి కర్ణన్
జిల్లాలోని నాలుగు నియోజక వర్గాలవారీగా ఎన్నికల సమాచారాన్ని అందుబాటులో ఉంచుతామన్నారు. మీడియా ప్రతినిధులు సద్వినియోగం చేసుకోవాలని సూచించారు. కార్యక్రమంలో డీపీఆర్ఓ ఏ.రమేశ్కుమార్, డీఈఐఈ మల్లేశం, సీపీఓ వెంకటేశ్వర్లు, సంక్షేమ అధికారి జ్యోతి పద్మ, ఏఓ సుదర్శన్ రెడ్డి, తదితరులు
పాల్గొన్నారు.
