- కాంగ్రెస్ ఎంపీ అభ్యర్థి జీవన్ రెడ్డి విమర్శ
- ఎంపీ అర్వింద్ సమాధానం చెప్పాలి
నిజామాబాద్, వెలుగు : పసుపు బోర్డు పేరుతో బీజేపీ మరోసారి రైతులను మోసం చేయడానికి రెడీ అయిందని నిజామాబాద్ కాంగ్రెస్ పార్లమెంట్ అభ్యర్థి జీవన్రెడ్డి ఫైర్అయ్యారు. శనివారం మొదటిసారి నిజామాబాద్ వచ్చిన జీవన్రెడ్డి కాంగ్రెస్ పార్లమెంట్ సెగ్మెంట్ మీటింగ్లో ప్రసంగించారు. 2019 ఎలక్షన్లో అర్వింద్ బాండ్ పేపర్ నమ్మి రైతులు ఓట్లేయగా ప్రధాని మోదీ ప్రకటన సాక్షిగా మరోమోసానికి తెరలేపారన్నారు. ఆరు నెలల కింద ప్రధాని స్థాయిలో మోదీ ఇందూరు గడ్డపై చేసిన బోర్డు ఏర్పాటు ప్రకటన కార్యరూపం దాల్చలేదన్నారు.
2002లో తెలుగుదేశం గవర్నమెంట్ నిజాం చక్కెర ఫ్యాక్టరీలను ప్రైవేటు పరం చేసి మిత్రపక్షమైన బీజేపీ ఎంపీ గోకరాజు గంగారాజుకు సేల్ చేసిందని విమర్శించారు. కవిత ఎంపీగా ఉన్నప్పుడు ఫ్యాక్టరీలు మొత్తానికి క్లోజ్అయ్యాయన్నారు. ఖాయిలా పరిశ్రమలు ఓపెన్ చేసే అధికారం కేంద్ర ప్రభుత్వానికి ఉందని ప్రధాని మోదీ సర్కారులో సభ్యుడైన ఎంపీ అర్వింద్ ఆ పని ఎందుకు చేయలేకపోయారని ప్రశ్నించారు. కాంగ్రెస్ చెప్పిన ప్రకారం 2025 నాటికి ఫ్యాక్టరీలు తెరుస్తామని, నిజామాబాద్ సహకార చక్కెర పరిశ్రమ (ఎన్సీఎస్సెఫ్) బాధ్యత తమదేనన్నారు.
ఎమ్మెల్సీ మహేశ్ గౌడ్, ఎమ్మెల్యేలు సుదర్శన్రెడ్డి, డాక్టర్ భూపతిరెడ్డి, కార్పొరేషన్ల చైర్మన్లు తాహెర్, మోహన్రెడ్డి, అన్వేష్రెడ్డి, ఈరవత్రి అనిల్, ప్రచార కమిటీ చైర్మన్ మధుయాష్కీ గౌడ్, మాజీ ఎమ్మెల్సీ ఆకుల లలిత తదితరులు ప్రసంగించారు. సుమారు 4 గంటల పాటు మీటింగ్ కొనసాగింది.
