రాజ్యాంగాన్ని మోడీ సర్కార్ కాపాడుతుందన్నారు మహారాష్ట్ర మాజీ ముఖ్యమంత్రి దేవేంద్ర ఫడ్నవిస్. జీహెచ్ఎంసీ ఎన్నికల మేనిఫెస్టోను కేంద్రమంత్రి కిషన్ రెడ్డితో కలిసి రిలీజ్ చేశారు. ఈ కార్యక్రమంలో బీజేపీ తెలంగాణ చీఫ్ బండి సంజయ్, లక్ష్మణ్, డీకే అరుణ, వివేక్ వెంకట స్వామి పాల్గొన్నారు. ఈ సందర్బంగా మాట్లాడిన ఫడ్నవిస్.. తెలంగాణ ఏర్పాటులో బీజేపీ పాత్ర చాలా ఉందన్నారు. ప్రజలకు ఏం కావాలో తాము అర్థం చేసుకున్నామన్నారు. ప్రజలతో మాట్లాడి మేనిఫెస్టో తయరు చేశామన్నారు. సెప్టెంబర్ 17 తెలంగాణకు స్వాతంత్ర్య దినోత్సవమన్నారు.
బీజేపీ గ్రేటర్ మేనిఫెస్టో 2020 ముఖ్యాంశాలు..
- గ్రేటర్ లో బీజేపీ గెలిస్తే సెప్టెంబర్ 17ను అధికారికంగా నిర్వహిస్తాం.
- కరోనా వ్యాక్సిన్ ఉచితంగా అందజేస్తాం.
- కార్పొరేషన్ ఆధ్వర్యంలో వ్యాక్సిన్ అందజేస్తాం.
- ఎల్ఆర్ఎస్ రద్దు
- వరదల్లో నష్టపోయిన వారికి రూ. 25 వేల సాయం
- హైదరబాద్ లోడ్రైనేజీ వ్యవస్థను బాగు చేస్తాం
- అక్రమ నిర్మాణాలను కూల్చేస్తాం
- బస్సుల్లో, మెట్రోలో మహిళలకు ఉచిత ప్రయాణం.
- ఆన్ లైన్ ఎడ్యుకేషన్ కోసం హై క్వాలిటీ వైఫై
- గవర్నమెంట్ స్కూలు పిల్లలకు ట్యాబ్ ఉచిత వైఫై
- లక్షమంది పేదలకు ప్రధానమంత్రి ఆవాస్ యోజన కింద ఉచితంగా ఇళ్లు,
- 125 గజాల లోపు ఇళ్లకు ఉచితంగా అనుమతి
- నమామీ గంగే లాగా మూసిని డెవ్ లప్ చేస్తాం
- పేదలకు 100 యూనిట్ల వరకు ఉచిత విద్యుత్
