- రాత్రి 10 గంటల వరకు ఓపెన్ చేసుకోవచ్చు
- రాష్ట్రాలు, యూటీలకు కేంద్ర ప్రభుత్వం సూచన
న్యూఢిల్లీ: కరోనా వ్యాక్సిన్ సెంటర్ల నిర్వహణకు ఎలాంటి టైం లిమిట్ లేదని కేంద్ర ప్రభుత్వం స్పష్టంచేసింది. సిబ్బంది, ఇన్ఫ్రాస్ట్రక్చర్ను బట్టి రాత్రి 10 గంటల వరకు కూడా వ్యాక్సిన్ సెంటర్లు తెరిచి ఉంచొచ్చని రాష్ట్ర ప్రభుత్వాలు, కేంద్ర పాలిత ప్రాంతాలకు సూచించింది. ప్రస్తుతం సెంటర్లు ఉదయం 8 గంటల నుంచి రాత్రి 8 గంటల వరకు మాత్రమే కొనసాగుతాయనే అభిప్రాయం ఉందని, కానీ ఎలాంటి టైం లిమిట్ పెట్టుకోవద్దని హెల్త్ మినిస్ట్రీ అడిషనల్ సెక్రటరీ మనోహర్ సోమవారం తెలిపారు. అందరికీ వ్యాక్సిన్ అందించడమే లక్ష్యమని, డిమాండ్ను బట్టి రాత్రి పది గంటల వరకు కూడా సెంటర్లు కొనసాగేలా స్టాఫ్ను, ఇన్ఫ్రాస్ట్రక్చర్ను ఏర్పాటు చేసుకోవాలన్నారు. వ్యాక్సిన్ సెంటర్ల వద్ద తప్పనిసరిగా కరోనా గైడ్లైన్స్ అమలుచేయాలని, క్యూలైన్లలో ఫిజికల్ డిస్టెన్స్ ఉండేలా చూసుకోవాలని రాష్ట్రాలు, యూటీలకు లెటర్ రాశారు. కరోనాపై పోరాటానికి రాష్ట్రాలకు, కేంద్ర పాలిత ప్రాంతాలకు ఎప్పటిలానే కేంద్రం ప్రభుత్వం పూర్తి సహకరిస్తుంటుందని స్పష్టంచేశారు. కాగా, సోమవారం నుంచి దేశవ్యాప్తంగా ఫ్రంట్లైన్ వారియర్లు, హెల్త్ వర్కర్లు, 60 ఏండ్లు పైబడినవాళ్లకు బూస్టర్ డోస్(మూడో డోస్) వ్యాక్సినేషన్ ప్రారంభమైంది.
