కెరీర్‌‌‌‌లో టీచర్గా స్థిరపడాలనుకునే వారి కోసం ప్రతీ ఏటా సెంట్రల్ టీచర్స్ ఎలిజిబిలిటీ టెస్ట్ (సీటెట్) నిర్వహిస్తుంది. ఈ ఎగ్జామ్ ప్రతి ఏడాది రెండుసార్లు జరుగుతుంది. తాజాగా డిసెంబర్-2022 సంవత్సరానికి సీటెట్ నోటిఫికేషన్ విడుదలైంది. 16వ ఎడిషన్‌ సీటెట్ రిజిస్ట్రేషన్లు అక్టోబర్ 31 నుంచి ప్రారంభం కానున్నాయి.
ఎగ్జామ్ ప్యాటర్న్: పరీక్ష మొత్తం రెండు పేపర్‌‌‌‌లను కలిగి ఉంటుంది. మొదటి పేపర్ ఒకటి నుంచి ఐదు తరగతులకు బోధించాలనుకునే వారికి కోసం, రెండో పేపర్ ఆరు నుంచి తొమ్మిదో తరగతులకు బోధించాలనుకునే వారి కోసం నిర్వహిస్తారు. సీటెట్ స్కోర్ లైఫ్ లాంగ్ వ్యాలిడిటీ కలిగి ఉంటుంది. పరీక్షను 20 భాషలలో నిర్వహిస్తారు. సీటెట్ స్కోర్ కేంద్ర ప్రభుత్వం పరిధిలోని పాఠశాలల ఉపాధ్యాయ నియామకాల్లో పరిగణనలోకి తీసుకుంటారు.
అర్హతలు:
పేపర్-1: 50 శాతం మార్కులతో పన్నెండో తరగతితో పాటు ఎలిమెంటరీ ఎడ్యుకేషన్‌‌‌‌లో రెండేళ్ల డిప్లొమా(డీఈఎల్‌‌‌‌ఈడీ)/ డిప్లొమా ఇన్ ఎడ్యుకేషన్(ప్రత్యేక విద్య) లేదా డిగ్రీ, బీఈడీ ఉత్తీర్ణులై ఉండాలి.
పేపర్-2: 50 శాతం మార్కులతో బ్యాచిలర్ డిగ్రీతో పాటు డిప్లొమా ఇన్ ఎలిమెంటరీ ఎడ్యుకేషన్/ బ్యాచిలర్ ఇన్ ఎడ్యుకేషన్(బీఈడీ)/ బీఈడీ(ప్రత్యేక విద్య) లేదా సీనియర్‌ సెకండరీతో పాటు నాలుగేళ్ల బ్యాచిలర్ ఇన్ ఎలిమెంటరీ ఎడ్యుకేషన్(బీఈఎల్‌‌‌‌ఈడీ)/ బీఎస్సీఈడీ/ బీఏఈడీ/ బీఎస్సీఈడీ ఉత్తీర్ణులై ఉండాలి.
దరఖాస్తులు: అర్హులైన అభ్యర్థులు అక్టోబర్ 31 నుంచి నవంబర్ 24 వరకు అప్లై చేసుకోవాలి. కంప్యూటర్ ఆధారిత పరీక్షలు డిసెంబర్, 2022 నుంచి జనవరి, 2023 మధ్య నిర్వహిస్తారు. వివరాలకు www.ctet.nic.in వెబ్సైట్ సంప్రదించాలి.
