హైదరాబాద్, వెలుగు: హైదరాబాద్కు చెందిన సినిక్ సంస్థ అన్నపూర్ణ ఫిల్మ్ స్కూల్ లో జెన్ ఏఐ మైక్రో ఫిల్మ్ హ్యాకథాన్ నిర్వహించింది. దేశవ్యాప్తంగా 250 మంది నుంచి దరఖాస్తులురాగా 60 మందిని ఎంపిక చేశారు. వీరు ఆరు గంటల్లో ఏఐ టెక్నాలజీతో 90 సెకన్ల నిడివి గల చిత్రాలను రూపొందించారు. సినిక్ వ్యవస్థాపకుడు భరత్ గుప్తా సహ వ్యవస్థాపకులు పృథ్వి రెడ్డి, దేవిరెడ్డి ఆకాశ్ చోడే ఈ కార్యక్రమాన్ని పర్యవేక్షించారు.
ఫిలిం హ్యాకథాన్లో 60 మందికి పైగా ప్రతిభావంతులైన ఫిలిం చిత్రాకారులు పాల్గొని సత్తా చాటారు. ఉదయం 10 గంటల నుంచి సాయంత్రం 8 గంటల వరకు జరిగిన ఈ హ్యాకథాన్లో వారు ఏఐని వినియోగించి 90 సెకన్ల మైక్రో సినిమాలను రూపొందించారు. మొత్తంగా వచ్చిన మైక్రో ఫిలింలలో మూడింటిని ఉత్తమ చిత్రాలుగా గుర్తించి వారికి సినిక్ వ్యవస్థాపకుడు భరత్ గుప్తా, సహ వ్యవస్థాపకులు పద్వీ రెడ్డి దేవిరెడ్డి, ఆకాశ్ చోడే బహుమతులు అందజేశారు.
విజేతలుగా నిలిచిన మూడు జట్లకు ఛాయ్ సూట్స్ సంస్థలో ఉద్యోగ అవకాశాలు కల్పించారు. ప్రతిభావంతులైన కళాకారులను ప్రొడక్షన్ హౌస్లతో, స్టూడియోలతో అనుసంధానించడమే ఈ కార్యక్రమం ప్రధాన ఉద్దేశమని ప్రకటించారు.
