- రక్షణ మంత్రి రాజ్నాథ్ సింగ్
న్యూఢిల్లీ: ‘‘సింధ్ ప్రాంతం ఇవ్వాల మన దేశంతో కలిసి లేకపోవచ్చు.. కానీ తొందర్లోనే ఆ ప్రాంతమంతా తిరిగి మన భూభాగంలో కలవచ్చు. భౌగోళికంగా విడిపోయినా నాగరికత పరంగా చూసుకుంటే సింధ్ఎల్లప్పుడూ భారత్తోనే ఉంది. భూభాగానికి సంబంధించిన ఆందోళనలు కొనసాగుతున్న చోట సరిహద్దుల్లో మార్పులు తప్పకుండా చోటుచేసుకుంటాయి” అని రక్షణ శాఖ మంత్రి రాజ్నాథ్ సింగ్ పేర్కొన్నారు.
ఈమేరకు ఆదివారం ఢిల్లీలో జరిగిన సింధి సమాజ్ సమ్మేళన్ లో మాట్లాడుతూ మంత్రి ఈ వ్యాఖ్యలు చేశారు. దేశ విభజన సమయంలో సింధ్ ప్రావిన్స్ పాకిస్తాన్ పరం కావడంతో అక్కడి హిందువులు చాలామంది భారత్ కు వచ్చేశారు. సింధూ నది పరీవాహక ప్రాంతంలోని ఈ ప్రావిన్స్ నాగరికతపరంగా భారత్ తో కలిసే ఉంది.
ఈ విషయాన్ని కేంద్ర మంత్రి రాజ్ నాథ్ ప్రస్తావిస్తూ.. ఎల్ కే అడ్వాణి తరం నేతలు సింధ్ ప్రావిన్స్ భారత్ లో భాగం కాదనే విషయాన్ని ఎన్నడూ అంగీకరించలేదని గుర్తుచేశారు. సింధూ నదిని అక్కడి ప్రజలు మాత్రమే కాదు, మొత్తం భారతీయులంతా పవిత్రంగా భావిస్తారని, దైవంగా కొలుస్తారని రాజ్ నాథ్ చెప్పారు.
