న్యూఢిల్లీ, వెలుగు: ఢిల్లీ లిక్కర్ స్కామ్ కేసులో బీఆర్ఎస్ ఎమ్మెల్సీ కవిత సన్నిహితుడిగా దర్యా ప్తు సంస్థలు ఆరోపిస్తున్న అభిషేక్ బోయినపల్లి బెయిల్ పిటిషన్పై విచారణను సుప్రీంకోర్టు ఈ నెల 20కి వాయిదా వేసింది. లిక్కర్ స్కామ్ వ్యవహారంలో ఢిల్లీ హైకోర్టు బెయిల్ నిరాకరించడాన్ని సవాల్ చేస్తూ... అభిషేక్ సుప్రీంకోర్టులో స్పెషల్ లీవ్ పిటిషన్ దాఖలు చేశారు. ఈ ఏడాది ఆగస్టులో ఈ పిటి షన్ సుప్రీంకోర్టు బెంచ్ ముందుకు రాగా, ఈడీకి నోటీసులు జారీ చేసింది. ఈ నోటీసులపై 2 వారాల్లో సమాధానం ఇవ్వాలని ఆదేశించింది. ఆ సమాధానంపై రిజాయిండర్ దాఖలు చేసేందుకు అభిషేక్కు మరో 3 వారాల సమయం కేటా యించింది.
ఈ పిటిషన్ను మరోసారి శుక్రవా రం జస్టిస్ సంజీవ్ ఖన్నా, జస్టిస్ ఎస్.వి.ఎన్. భట్టితో కూడిన బెంచ్ విచారించింది. పిటిష నర్ తరఫు సీనియర్ అడ్వకేట్ ముకుల్ రోహ త్గి వాదనలు వినిపిస్తూ... పంకజ్ బన్సల్ వ ర్సెస్ యూనియన్ ఆఫ్ ఇండియా కేసులో అంశాలను లేవనెత్తారు. నిబంధనలకు విరుద్ధంగా అభిషేక్ను అరెస్ట్ చేశారని అన్నారు. అరెస్టుకు గల కారణాలను లిఖితపూర్వకంగా ఈడీ అందించాలని సుప్రీంకోర్టు ఇటీవల పేర్కొ న్న విషయాన్ని బెంచ్ దృష్టికి తెచ్చారు. దోషి అయితే మాత్రమే అరెస్ట్ చేయాలని ప్రివెన్షన్ ఆఫ్ మనీ లాండరింగ్ యాక్ట్(పీఎంఎల్ఏ) చెబుతోందన్నారు. ఈ సందర్భంగా పీఎంఎల్ఏ సెక్షన్ 19 (2) లోని అంశాలను చదివి వినిపించారు. పిటిషన్పై తదుపరి విచారణ 20న చేపడతామని జస్టిస్ సంజీవ్ ఖన్నా వెల్లడించారు.
