సింగరేణి కోల్ మైన్స్ కార్మిక సంఘ్అధ్యక్షుడు సత్తయ్య
భద్రాద్రికొత్తగూడెం, వెలుగు : సింగరేణిలో పనిచేస్తున్న కాంట్రాక్ట్ కార్మికులకు హైపవర్ వేతనాలు చెల్లించే విధంగా యాజమాన్యం చర్యలు చేపట్టాలని సింగరేణి కోల్ మైన్స్ కార్మిక సంఘ్అధ్యక్షుడు యాదగిరి సత్తయ్య డిమాండ్ చేశారు. కాంట్రాక్ట్ కార్మికుల సమస్యలను పరిష్కరించాలని డిమాండ్ చేస్తూ కొత్తగూడెంలోని సింగరేణి హెడ్డాఫీస్ ఎదుట కోల్ మైన్స్ కార్మిక సంఘ్(బీఎంఎస్) ఆధ్వర్యంలో గురువారం ధర్నా నిర్వహించారు. జీఎం సీపీపీ జక్కం రమేశ్కు వినతిపత్రాన్ని ఇచ్చారు.
ఈ సందర్భంగా సత్తయ్య మాట్లాడుతూ కాంట్రాక్ట్ కార్మికులకు హైపవర్ వేతనాలు చెల్లించడంలో యాజమాన్యం నిర్లక్ష్యంగా వ్యవహరిస్తోందన్నారు. 20శాతం బోనస్ చెల్లించాలన్నారు. ఈఎస్ఐ సౌకర్యం కల్పించాలన్నారు. ప్రతినెలా 7న జీతాలివ్వాలన్నారు. ఈ ప్రోగ్రాంలో కార్మిక సంఘ్, ఏబీకేఎంఎస్ నాయకులు మహేశ్, మాదవ్నాయక్, ఇనపనూరి నాగేశ్వరరావు, దొడ్డి నిర్మల, మొగిలిపాక రవి, సంఘం చందర్, మూర్తి, నర్మద, అశ్విని, మాధురి పాల్గొన్నారు.
