టాలీవుడ్ టాలెంటెడ్ హీరో శర్వానంద్(Sharwanand), మళయాళ భామ అనుపమ పరమేశ్వరన్(Anupama Parameswaran) జంటగావచ్చిన ఫ్యామిలీ ఎంటర్టైనర్ శతమానం భవతి. సతీష్ వేగేశ్న దర్శకత్వంలో శ్రీ వెంకటేశ్వర క్రియేషన్స్ పై దిల్ రాజు(Dil Raju) నిర్మించిన ఈ సినిమా 2017లో సంక్రాంతికి వచ్చి సూపర్ హిట్ గా నిలిచింది. సంక్రాంతి పండగ, ఫ్యామిలీ రిలేషన్స్, ఎమోషన్స్ తో వచ్చిన ఈ సినిమా ప్రేక్షకులను బాగా కనెక్ట్ అయ్యారు. ఇక్కడ విశేషం ఏంటంటే.. ఈ సినిమాకు నేషనల్ అవార్డు కూడా వరించింది. దీంతో ఈ సినిమా టాలీవుడ్ కు ప్రత్యేకమైన సినిమా గా మారింది.
దాదాపు 7 సంవత్సరాల తరువాత ఈ సినిమాకు సీక్వెల్ ప్రకటించారు నిర్మాత దిల్ రాజు. తాజాగా సంక్రాతి కానుకగా శతమానం భవతి నెక్స్ట్ పేజి అంటూ పోస్టర్ రిలీజ్ చేశారు. అంతేకాదు.. వచ్చే ఏడాది సంక్రాంతికి ఈ సినిమా రిలీజ్ కానుందని ప్రకటించారు. దీంతో ఈ సినిమాపై ప్రేక్షకుల్లో మంచి అంచనాలు ఏర్పడ్డాయి.
అయితే శతమానం భవతి సినిమాకు సీక్వెల్ ప్రకటించిన దిల్ రాజు.. ఈ సినిమాకు పనిచేయబోయే టెక్నీషియన్స్ అండ్ యాక్టర్స్ డీటెయిల్స్ మాత్రం రివీల్ చేయలేదు. మరి ఈ సినిమాలో కూడా శర్వానంద్, అనుపమనే యాక్ట్ చేస్తారా అనేది తెలియాల్సి ఉంది. త్వరలోనే ఈ విషయంపై క్లారిటీ రానుంది.
