బెల్లంపల్లి, వెలుగు: సబ్సిడీపై జీలుగ విత్తనాలను పంపిణీ చేసినట్లు బెల్లంపల్లి మండల వ్యవసాయ అధికారిణి వందన తెలిపారు. సోమవారం మండలంలోని చంద్రవెల్లి గ్రామంలోని పీఏసీఎస్లో ఏర్పాటు చేసిన కార్యక్రమంలో రైతులకు జీలుగ విత్తనాలు పంపిణీ చేశామని, 30 కిలోల సంచి ధర రూ.2,790 ఉండగా సబ్సిడీ కింద రూ.1116కే అందజేస్తున్నట్లు చెప్పారు.
ఈ అవకాశాన్ని రైతులు సద్వినియోగం చేసుకోవాలని కోరారు. ఈ కార్యక్రమంలో ఏఈవో కె.నాగదీప్తి, పీఏసీఎస్ సీఈవో కె.వెంకటస్వామి తదితరులు పాల్గొన్నారు.
