ఇల్లు నీట్గా లేకపోతే మనసుకు పట్టదు చాలామందికి. అందుకే టైమ్ చూసుకుని మరీ రెగ్యులర్గా అన్నీ చక్కగా సర్దుతుంటారు. గచ్చు తుడవడం, బూజు దులపడం.. ఇలా అన్నీ చేస్తారు. కానీ, కొన్ని ప్లేస్లని శుభ్రం చేయడం మర్చిపోతుంటారు. అవేంటంటే...డోర్ నాబ్స్, హ్యాండిల్స్, విండో హ్యాండిల్స్, ఎలక్ట్రిక్ స్విచెస్... వీటి క్లీనింగ్ మీద దృష్టి పెట్టరు చాలామంది. దాంతో వీటిపై దుమ్ముధూళితో పాటు బ్యాక్టీరియా పేరుకుపోతుంది. అందుకే వీటిని డిజ్ఇన్ఫెక్టెంట్ వైప్స్తో లేదంటే యాంటీ– బ్యాక్టీరియల్ సొల్యూషన్తో క్లీన్ చేయాలి. మురికి పట్టిన బట్టల్ని లాండ్రీ బాస్కెట్స్లో వేస్తాం. దాంతో వాటి మురికి, వాటిపై ఉన్న బ్యాక్టీరియా వంటి క్రిములు ఈ బాస్కెట్కి అంటుకుంటాయి. అందుకనే వాటిని రెగ్యులర్గా క్లీన్ చేయాలి. ఇంటి మొత్తంలో ఎక్కువ బ్యాక్టీరియా కిచెన్ స్పాంజ్లోనే ఉంటుంది. 2017లో జరిగిన ఓ స్టడీలో కిచెన్ స్పాంజ్ లో 362 రకాల బ్యాక్టీరియాను గుర్తించారట.
అందుకే ప్రతిరోజు స్పాంజ్ని శుభ్రం చేయాలి. అలాగే వారానికోసారి వాటిని మారుస్తుండాలి. బెడ్ మనుషులకే కాదు, రకరకాల క్రిములకి కూడా రెస్ట్ ఇస్తుంది. స్టడీల ప్రకారం కొన్ని వందల లీటర్ల చెమట మన శరీరం నుంచి బెడ్ పై చేరుతుంది. దానివల్ల బెడ్పై క్రిములు పుట్టుకొస్తాయి. అందుకే బెడ్ని ఎప్పటికప్పుడు దులుపుతూ శుభ్రం చేయాలి. బెడ్షీట్స్ని వారానికి ఒకసారి ఉతకాలి. ఫోన్ క్లీనింగ్ని పెద్దగా ఎవరూ పట్టించుకోరు. కానీ సెల్ఫోన్పై టాయిలెట్ కన్నా వందల రెట్లు ఎక్కువ క్రిములుంటాయి. అవి శరీరంలో చేరితే చాలా అనారోగ్య సమస్యలొస్తాయి. అందుకే ఎప్పటికప్పుడు సెల్ఫోన్ని క్లీన్ చేయాలి. అలాగే ప్రతిరోజూ వాటర్ బాటిల్స్ని వేడినీళ్లతో కడగాలి. బాటిల్ ని కరచిపెట్టుకొని తాగే అలవాటు ఉన్నవాళ్లు మరింత జాగ్రత్తగా శుభ్రం చేయాలి. కిచెన్ సింక్లో నీళ్లు పోసి, క్లీన్ అయింది అనుకోవద్దు. గిన్నెలు తోమిన తర్వాత ఫుడ్వేస్ట్ కొన్నిసార్లు సింక్లోనే ఉండిపోతుంది. దాంతో అక్కడ బ్యాక్టీరియా పెరుగుతుంది. కాబట్టి సింక్ని ఏరోజుకారోజు బ్లీచింగ్ సొల్యూషన్ (నీళ్లు కలిపిన సోడియం హైపో క్లోరైట్, సోడియం హైడ్రాక్సైడ్ మిశ్రమం)తో క్లీన్ చేయాలి. అంతేకాదు సింక్ పైప్లో ఫుడ్వేస్ట్ జమ కాకుండా చూసుకోవాలి.
