వివాహేతర సంబంధం వల్ల కుటుంబాలు నాశనం అవుతాయన్నది అందరికీ తెలిసిన విషయమే.. అక్రమ సంబంధం కారణంగా కుటుంబాలు ఆర్థికంగా కుదేలైన ఘటనలు.. జీవితభాగస్వామిని సైతం హతమార్చిన ఘటనలు చాలానే చూశాం... హైదరాబాద్ లోని బంజారా హిల్స్ లో ఇలాంటి ఘటనే చోటు చేసుకుంది. శుక్రవారం ( మే 16 ) వెలుగులోకి వచ్చిన ఈ ఘటనకు సంబంధించి వివరాలిలా ఉన్నాయి. బంజారాహిల్స్ కి చెందిన ఓ వ్యాపారవేత్త భార్యతో డ్రైవర్ ఇఫ్తికార్ వివాహేతర సంబంధం పెట్టుకున్నాడు. సదరు వ్యాపారవేత్త దగ్గర చాలాకాలంగా డ్రైవర్ గా పనిచేస్తున్న ఇఫ్తికార్ అతని భార్యను వలలో వేసుకున్నాడు.
ఇద్దరు ప్రైవేట్ గా ఉన్న ఫోటోలు, వీడియోలు తీసుకున్న ఇఫ్తికార్ బ్లాక్ మెయిల్ చేయడం స్టార్ట్ చేశాడు. తనకు రూ. కోటి ఇవ్వకుంటే ఆ వీడియోలు పోర్న్ సైట్ లో పెడతానని..మీ భార్యకు విడాకులు ఇవ్వకుంటే వీడియోలు అప్లోడ్ చేస్తాను లేదా కోటి రూపాయలు ఇవ్వండి అంటూ వాట్సాప్ మెసేజ్ ల ద్వారా బెదిరించేవాడని తెలిపారు వ్యాపారవేత్త.
ఒక పక్క భార్య నిర్వాకం, మరో పక్క డ్రైవర్ బెదిరింపులతో అయమయానికి గురైన వ్యాపారవేత్త.. పోలీసులను ఆశ్రయించారు. డ్రైవర్ నిర్వాకంపై బంజారాహిల్స్ పోలీసులకు ఫిర్యాదు చేశారు. ఘటనపై కేసు నమోదు చేసిన పోలీసులు దర్యాప్తు చేస్తున్నారు. ఘటనకు సంబంధించి ఇతర వివరాలు తెలియాల్సి ఉంది.
