- మూడు గంటల పాటు నిలిచిన సప్లై
వరంగల్ సిటీ, వెలుగు : ఎంజీఎంలో శనివారం కరెంట్ సప్లై లేకపోవడంతో పేషెంట్లు ఇబ్బందులు పడ్డారు. ఎంజీఎంకు రోజూ 3,500 నుంచి 4,000 దాక పేషెంట్లు వస్తుంటారు. ఇందులో 300 మంది వరకు ఎక్స్రే తీయించుకుంటారు.
అయితే పొద్దున 8.45 నుంచి మధ్యాహ్నం 12 గంటల దాక కరెంటు సప్లై నిలిచిపోవడంతో రోగ నిర్ధారణ పరీక్షలు జరగలేదు. ఫలితంగా వందలాది రోగులు ఎక్స్రే కోసం వేచిచూశారు. ల్యాబ్ల్లో బ్లడ్, యూరీన్, థైరాయిడ్ టెస్టులు రోగ నిర్ధారణ పరీక్షలు ఆపివేశారు.
జనరేటర్ సౌలత్ ఉన్నప్పటికీ అన్ని వార్డులకు సరిపోయేంత కరెంట్ సరఫరా లేకపోవడంతో ఇబ్బందులు తప్పడం లేదు.
