హైదరాబాద్: తెలంగాణలో స్థానిక సంస్థల ఎన్నికల నగారా మోగింది. సోమవారం( సెప్టెంబర్29) స్థానికసంస్థల ఎన్నికలకు షెడ్యూల్ రిలీజ్ చేసింది రాష్ట్ర ఎన్నికల సంఘం. మొత్తం 31 జిల్లాల్లో 565 మండలాల్లో ఎన్నికల నిర్వహణకు షెడ్యూల్ రిలీజ్ చేసింది. ఐదు విడతలుగా ఎన్నికలు జరుగుతాయని తెలిపిన ఎస్ ఈసీ.. ఈ రోజునుంచి ఎన్నికల కోడ్ అమలులోకి వస్తుందని తెలిపింది.
తెలంగాణలో 31 జిల్లాల్లో స్థానిక సంస్థల ఎన్నికలకు షెడ్యూల్ రిలీజ్ అయింది. రెండు విడతలుగా జెడ్పీటీసీ, ఎంపీటీసీ ఎన్నికలు, మూడు విడతల్లో గ్రామ పంచాయతీ ఎన్నికలు నిర్వహించనున్నారు.
ఎంపీటీసీ, జెడ్పీటీసీ, గ్రామపంచాయతీ ఎన్నికలకు అక్టోబర్ 9న నోటిఫికేషన్ విడదల కానుంది. అదే రోజు నామినేషన్ స్వీకరణ ప్రారంభం అవుతుంది. అక్టోబర్ 17న నామినేషన్ల స్వీకరణ ముగుస్తుంది. మొత్తం మూడు విడతల్లో పంచాయతీ ఎన్నికలు నిర్వహించనున్నారు. అక్టోబర్ 31, నవంబర్ 4, 8 తేదీల్లో పంచాయతీ ఎన్నికల పోలింగ్ నిర్వహిస్తారు. అదే రోజున సాయంత్రం ఫలితాలు విడుదల చేయనున్నారు.
అక్టోంబర్ 23న, 27న రెండు విడతలుగా ఎంపీటీసీ, జెడ్పీటీసీల ఎన్నికల పోలింగ్ నిర్వహించునున్నారు. ఫలితాలు నవంబర్ 11న ప్రకటించడంతో ఎన్నికల ప్రక్రియ ముగుయనుంది.
