ఉప్పల్, వెలుగు: ఐపీఎల్క్రికెట్ మ్యాచ్నకిలీ టికెట్లు అమ్ముతున్న ఆరుగురు ముఠా సభ్యులను ఉప్పల్ పోలీసులు అరెస్టు చేశారు. వారి వద్ద నుంచి 68 ఫేక్ టికెట్లు, అక్రిడిటేషన్ కార్డులు స్వాధీనం చేసుకున్నారు. ఈ మేరకు గురువారం ఉప్పల్ పోలీస్ స్టేషన్లో మల్కాజిగిరి ఏసీపీ నరేశ్రెడ్డి వివరాలు వెల్లడించారు. నాచారంలో ఉండే కోమటిరెడ్డి గోవిందరెడ్డి(22) పలు రకాల ఈవెంట్లకు పనులు చేస్తుంటాడు. ఇదే క్రమంలో ఈనెల 18న ఉప్పల్ స్టేడియంలో సన్రైజర్స్ హైదరాబాద్, -ముంబై ఇండియన్స్జట్ల మధ్య జరిగిన క్రికెట్ మ్యాచ్కు టికెట్ల వాలిడేషన్ పనులు కావాలని గోవిందరెడ్డిని ఐపీఎల్ నిర్వాహకులు కోరారు.
అయితే, ఆ టికెట్ల బార్కోడ్ లు కాపీ చేసి నకిలీ టికెట్లు తయారు చేయాలని అతడు ప్లాన్ వేశాడు. ఈ విషయాన్ని తన ఫ్రెండ్స్ హిమాయత్నగర్కు చెందిన అఖిల్ అహ్మద్ ఎలియాస్పప్పు(23), మహ్మద్అజాజ్(23), మృదుల్వంశీ ఎలియాస్చిన్ను(22), బహదూర్పురాకు చెందిన మహ్మద్ ఫహీమ్(21), చెంగిచెర్లకు చెందిన శ్రావణ్కుమార్(22)కు చెప్పడంతో వారు ఇందుకు ఒప్పుకున్నారు. అఖిల్ అహ్మద్ టికెట్ల బార్ కోడ్ను కాపీ చేసి మృదుల్వంశీ కి పంపాడు. ః
వాటిని వంశీ మహ్మద్ ఫహీమ్ కు పంపగా అతడు వాటితో చిక్కడపల్లిలోని తన జిరాక్స్ సెంటర్లో నకిలీ టికెట్లు తయారు చేశాడు. వాటిని మహ్మద్ అజాజ్ తార్నాకలోని తన జిరాక్స్సెంటర్లో ప్రింట్చేశారు. ఇలా సుమారు 200 నకిలీ టికెట్లు తయారు చేసి 130 వరకు విక్రయించారు. వాటిని కొన్న కొందరు క్రికెట్అభిమానులు స్టేడియానికి వెళ్లగా నకిలీవని తేలడంతో పోలీసులకు ఫిర్యాదు చేశారు. దర్యాప్తు చేపట్టిన పోలీసులు ఆరుగురిని అరెస్టు చేశారు. వారి వద్ద నుంచి 68 నకిలీ టికెట్ల, ఆరు సెల్ఫోన్లు, ఐపీఎల్ నిర్వాహకులు జారీ చేసిన అక్రిడిటేషన్ కార్డులు, సీపీయూ, మానిటర్ స్వాధీనం చేసుకున్నారు.
