టాలీవుడ్ ప్రముఖ సంగీత దర్శకుడు రాజ్ కన్నుమూశారు. గత కొంతకాలంగా అనారోగ్య సమస్యలతో బాధపడుతున్న ఆయన కొద్దిసేపటి క్రితమే తుదిశ్వాస విడిచారు. తెలుగులో ఎన్నో హిట్ సినిమాలకు పనిచేసిన రాజ్.. ప్రళయగర్జన సినిమాతో టాలీవుడ్ లోకి ఎంట్రీ ఇచ్చాడు. ఆ తరువాత సంగీత దర్శకుడు కోటీతో కలిసి ఎన్నో సూపర్ హిట్ పాటలను కంపోజ్ చేసాడు. యముడికి మొగుడు, లంకేశ్వరుడు, ముఠా మేస్త్రి, బాలగోపాలుడు, బంగారు బుల్లోడు, హలో బ్రదర్, అన్న-తమ్ముడు లాంటి విజయవంతమైన చిత్రాలకు వీరే సంగీతాన్ని సమకూర్చారు.
రాజ్ ఒంటరిగా సంగీతం అందించిన సినిమాల్లో "సిసింద్రీ" ఒక్కటే చెప్పుకోదగినది. అన్ని భాషల్లో కలిపి 455 చిత్రాలకు పనిచేసిన రాజ్.. 24 చిత్రాలకు బ్యాక్‌గ్రౌండ్‌ మ్యూజిక్‌ అందించారు. రాజ్ మృతి పట్ల టాలీవుడ్ పరిశ్రమ దిగ్భ్రాంతిని వ్యక్తం చేసింది.
