వీపనగండ్ల, వెలుగు: వనపర్తి జిల్లా వీపనగండ్ల మండలం తూముకుంట గ్రామంలో బుధవారం ప్రమాదవశాత్తు కరెంట్ షాక్తో వేమన్న (55) అనే రైతు చనిపోయాడు. తన పొలంలోని కోళ్ల ఫారం షెడ్లో కరెంట్ సప్లై లేకపోవడంతో రిపేర్ చేస్తుండగా కరెంట్షాక్వచ్చి స్పాట్లోనే మృతిచెందాడు. మృతుడికి భార్య, కూతురు ఉన్నారు. భార్య గంగమ్మ ఫిర్యాదుతో కేసు నమోదు చేసి దర్యాప్తు చేస్తున్నట్లు హెడ్కానిస్టేబుల్ మునీశ్వర్రెడ్డి తెలిపారు.
ములుగు మండలంలో హెల్పర్..
ములుగు, వెలుగు : ములుగు మండలం దేవనగర్ శివారులో బుధవారం సాయంత్రం ట్రాన్స్ఫార్మర్ లో సమస్య తలెత్తడంతో రిపేర్ చేస్తున్న హెల్పర్ కరెంట్ షాక్తో చనిపోయాడు. మండలంలోని శ్రీనగర్ గ్రామానికి చెందిన నల్ల కృష్ణ (35) మల్లంపల్లి సెక్షన్ లో హెల్పర్ (అన్మ్యాన్ వర్కర్) గా డ్యూటీ చేస్తున్నాడు. ఓ రైతు దేవనగర్ శివారులోని పంట పొలాల వద్ద ఉన్న ట్రాన్స్ఫార్మర్ రిపేర్ ఉండడంతో కృష్ణను పిలిపించుకున్నాడు. అయితే కృష్ణ ట్రాన్స్ ఫార్మర్ ఎక్కగానే ఎల్టీ లైన్లో కరెంట్ సరఫరా అయ్యి అక్కడికక్కడే మృతిచెందాడు. ఎల్సీ తీసుకున్నా కూడా కరెంట్ షాక్ రావడమేంటని ఆఫీసర్లు ఆరా తీయగా మరో బ్యాక్ లైన్ నుంచి సదరు రైతు మోటారుకు కరెంట్ తీసుకోవడమే కారణమని, దీంతోనే కృష్ణ చనిపోయినట్లు విద్యుత్ సిబ్బంది చెప్తున్నారు. ఈవిషయంపై విచారణ చేస్తున్నామని పేర్కొన్నారు. కాగా, మృతుడికి భార్య, ఇద్దరు కొడుకులు ఉన్నారు. పోలీసులు కేసు నమోదు చేసుకొని దర్యాప్తు చేస్తున్నారు.
