నిజామాబాద్ సిటీ, వెలుగు: నిజామాబాద్ కలెక్టరేట్లో సోమవారం నిర్వహించిన ప్రజావాణి కార్యక్రమానికి 131 ఫిర్యాదులు అందాయి. జిల్లాలోని వివిధ ప్రాంతాల నుంచి వచ్చిన అర్జీదారులు తమ సమస్యలను కలెక్టర్ రాజీవ్ గాంధీ హన్మంతుతో పాటు అడిషనల్ కలెక్టర్లు అంకిత్, కిరణ్ కుమార్, ట్రైనీ ఐఏఎస్ కిరణ్మయి, డీఆర్డీఓ సాయాగౌడ్ లకు విన్నవించుకున్నారు. పెండింగ్అర్జీలను ఎప్పటికప్పుడు పరిష్కరించాలని కలెక్టర్అధికారులకు సూచించారు.
కామారెడ్డి టౌన్: ప్రజావాణిలో వచ్చే ఫిర్యాదులను త్వరగా పరిష్కరించాలని కలెక్టర్ జితేశ్ వీ పాటిల్పేర్కొన్నారు. సోమవారం ఆయన కలెక్టరేట్లో నిర్వహించిన ప్రజావాణిలో ప్రజల నుంచి ఫిర్యాదులు స్వీకరించారు. ఆయా ఏరియాల నుంచి వచ్చిన ఫిర్యాదుదారులతో మాట్లాడి, వారి సమస్యలు అడిగి తెలుసుకున్నారు. మొత్తం 72 మంది వివిధ సమస్యలపై అర్జీలు సమర్పించారు. అడిషనల్కలెక్టర్ చంద్రమోహన్, జడ్పీ సీఈవో చందర్నాయక్, జిల్లా ఆఫీసర్లు రాజారాం, దయానంద్, శ్రీనివాస్, సింహారావు పాల్గొన్నారు.
