కామారెడ్డి, వెలుగు: కొత్తగా కాంగ్రెస్పార్టీ మండలాధ్యక్షులుగా ఎన్నికైన వారు బీజేపీ, బీఆర్ఎస్ వైఫల్యాలను ప్రజల్లోకి బలంగా తీసుకెళ్లాలని మాజీ మంత్రి, కాంగ్రెస్పార్టీ సీనియర్నేత షబ్బీర్అలీ పేర్కొన్నారు. శనివారం ఆయన కొత్త మండలాధ్యక్షులతో కామారెడ్డిలో సమావేశం నిర్వహించారు. షబ్బీర్అలీ మాట్లాడుతూ.. గ్రామగ్రామాన తిరిగి పార్టీని బలోపేతం చేయలన్నారు. పార్టీలో కొత్తగా చేరిన వారిని, సీనియర్లను కలుపుకొని పోవాలన్నారు.
కాంగ్రెస్ ఇటీవల ప్రకటించిన ఫించన్పెంపు, రైతులకు రుణమాఫీ, పంట పెట్టుబడి సాయం పెంపు తదితర అంశాలను ప్రజల్లోకి బలంగా తీసుకెళ్లాలని సూచించారు. కార్యక్రమంలో జుక్కల్మాజీ ఎమ్మెల్యే ఎస్. గంగారాం, డీసీసీ ప్రెసిడెంట్ కైలాస్ శ్రీనివాస్రావు, ఎల్లారెడ్డి, బాన్సువాడ నియోజకవర్గ ప్రతినిధులు వడ్డేపల్లి సుభాష్రెడ్డి, కాసుల బాలరాజు, టీపీసీసీ సెక్రెటరీ ఇంద్రకరణ్రెడ్డి, డీసీసీ వైస్ప్రెసిడెంట్ మద్ది చంద్రకాంత్రెడ్డి
పాల్గొన్నారు.
