- మాజీ ఎమ్మెల్సీ ప్రొ. కె నాగేశ్వర్
ముషీరాబాద్, వెలుగు : గత ప్రభుత్వం పేదలకు కేటాయించిన డబుల్ బెడ్ రూమ్ ఇండ్లకు తగిన సదుపాయాలు కల్పించాలని మాజీ ఎమ్మెల్సీ ప్రొఫెసర్ కె.నాగేశ్వర్ ప్రభుత్వాన్ని డిమాండ్ చేశారు. ఇందిరా పార్క్ ధర్నా చౌక్లో ఆదివారం సీపీఎం ఆధ్వర్యంలో లబ్ధిదారులు చేపట్టిన ధర్నాకు ఆయన మద్దతు పలికారు.
కనీస మౌలిక వసతులు కల్పించకుండానే బీఆర్ఎస్ ప్రభుత్వం ఎన్నికల ముందు హడావిడిగా ఇండ్లను కేటాయించిందన్నారు. దీనిపై కాంగ్రెస్ ప్రభుత్వం ప్రత్యేక దృష్టి సారించి, బడ్జెట్లో నిధుల కేటాయింపు చేయాలని కోరారు.
