న్యూఢిల్లీ: పాలకు 'ఏ1', 'ఏ2' క్లెయిమ్లను తొలగించాలని ఆహార భద్రత నియంత్రణ సంస్థ ఎఫ్ఎస్ఎస్ఏఐ గురువారం ఈ–-కామర్స్ ప్లేయర్లతో సహా కంపెనీలను ఆదేశించింది. ఇటువంటి లేబులింగ్ కస్టమర్లను తప్పుదోవ పట్టిస్తోందని, ఇవి ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (ఎఫ్ఎస్ఎస్ఏఐ) ఫుడ్ సేఫ్టీ అండ్ స్టాండర్డ్స్ యాక్ట్ 2006కి అనుగుణంగా లేవని పేర్కొంది.
ఈ-–కామర్స్ ప్లాట్ఫారమ్లు ఈ క్లెయిమ్లను వెబ్సైట్ల నుంచి వెంటనే తొలగించాలని కూడా స్పష్టం చేసింది. ఇదివరకే ముద్రించిన లేబుల్లను తొలగించేందుకు కంపెనీలకు ఆరు నెలల సమయం ఇచ్చింది. ఏ1 ఏ2 పాలలో బీటా-కేసిన్ ప్రోటీన్ వేర్వేరుగా ఉంటుంది. ఈ ఆర్డర్ విధించడానికి ప్రధాన కారణం ఈ రెండు పాల ప్రయోజనాలపై సరైన శాస్త్రీయ ఆధారాలు లేకపోవడమేనని అధికారులు తెలిపారు.
