హైదరాబాద్ వనస్థలిపురంలో ఘోర ప్రమాదం జరిగింది. నేషనల్ హైవే సర్వీసులో రోడ్డులో నడుచుకుంటూ వెళ్తున్న అక్క చెల్లెళ్లను కారు ఢీకొన్న ఘటనలో ఒకరు మృతి చెందగా... మరొకరికి తీవ్ర గాయాలయ్యాయి. శనివారం జరిగిన ఈ ఘటనకు సంబంధించి వివరాలిలా ఉన్నాయి..
వనస్థలిపురానికి చెందిన అంజలి, పూజిత అనే అక్క చెల్లెళ్లు ఇవాళ సాయంత్రం సర్వీసు రోడ్డు మీద నడుచుంటూ వెళ్తుండగా వేగంగా వచ్చిన కారు డీకోట్టింది. ఈ క్రమంలో అంజలి అక్కడికక్కడే మృతి చెందగా పూజితకు తీవ్ర గాయాలయ్యాయి.
►ALSO READ | కేంద్ర మంత్రి బండి సంజయ్ కుమారుడిపై ఫోక్సో కేసు : హనీట్రాప్ అంటూ తిరిగి కేసు ఫైల్
తీవ్రంగా గాయపడ్డ పూజితను ఆసుపత్రికి తరలించి చికిత్స అందిస్తున్నారు. ఈ ఘటనపై పోలీసులకు సమాచారం అందించారు స్థానికులు. ఘటనాస్థలానికి చేరుకున్న పోలీసులకు పరిస్థితిని పరిశీలించి కేసు నమోదు చేసి దర్యాప్తు చేస్తున్నారు. ఘటనకు సంబంధించి పూర్తి వివరాలు తెలియాల్సి ఉంది.
