మంచుకొండ కరిగి రహదారిపైకి రావడం మీరెప్పుడైనా చూశారా? రహదారి మూసుకుపోవడంతో అటుగా వెళ్తున్న ప్రయాణికులు వెంటనే ఏం చేశారో తెలుసా?. గత కొన్నిరోజులుగా ఈశాన్య రాష్ట్రాల్లో భారీగా మంచు కురుస్తుంది. ఆ మంచువర్షాల ధాటికి హిమాచల్ ప్రదేశ్ కిన్నౌర్ జిల్లాలో 10 అడుగుల ఎత్తైన ఓ మంచుకొండ విరిగి హైవేపైకి జారిపోయింది. దీంతో అక్కడి ప్రయాణికులు ఒక్కసారిగా భయాందోళనలకు గురయ్యారు. ఇందుకు సంబంధించిన వీడియో ప్రస్తుతం ట్విట్టర్లో వైరల్ అవుతోంది.
ఈ వీడియోను ఇండియన్ రెవెన్యూ సర్వీసెస్ అధికారి నవీద్ ట్రంబూ షేర్ చేశారు. ఎత్తైన ఓ మంచుకొండ కరిగి నెమ్మదిగా రహదారిపై కదులుతూ వస్తున్నట్టున్న వీడియోలో అక్కడి పర్యాటకులు ఆ వెండికొండను తమ కెమెరాల్లో బంధించడానికి ప్రయత్నించడం చూడవచ్చు. హైవే పై ఉన్న పర్యాటకులు జరగబోయే ప్రమాదాన్ని గ్రహించి తమ కార్లను వెనక్కి మళ్లించారు.
Ever seen the force of a moving glacier in real-time? This is in Tinku nallah near Pooh on NH-5, Kinnaur, HP.. #ClimateChange is not a distant reality. pic.twitter.com/J7ifxaAh1g
— Naveed Trumboo IRS (@NaveedIRS) January 13, 2020