డిమాండ్ లేని కారణంగా దేశంలో బంగారం, వెండి ధరలు తగ్గుతున్నాయి. దేశీయ మార్కెట్‌లో పది గ్రాముల బంగారం ధర రూ.170 తగ్గుదలతో రూ.32,850కు క్షీణించింది. గత వారం రోజుల్లో బంగారం ధర తగ్గడం ఇది రెండో సారి. బంగారం ధర బాటలోనే వెండి ధర కూడా నడిచింది. కేజీ వెండి ధర రూ.350 తగ్గుదలతో రూ.38,200కు క్షీణించింది. జువెలర్లు, రిటైలర్ల నుంచి డిమాండ్ తగ్గిపోవడమే ఇందుకు కారణం.
గ్లోబల్ మార్కెట్‌లో బంగారం ధర ఔన్స్‌కు 0.10 శాతం పెరుగుదలతో 1,294.55 డాలర్లకు చేరింది. వెండి ధర ఔన్స్‌కు 0.74 శాతం పెరుగుదలతో 14.97 డాలర్లకు ఎగసింది.
ఢిల్లీలో పది గ్రాముల 24 క్యారెట్ల బంగారం ధర రూ.170 తగ్గుదలతో రూ.32,850కు, 22 క్యారెట్ల బంగారం ధర రూ.170 తగ్గుదలతో రూ.32,680కు క్షీణించింది.
ఇక ప్రభుత్వ సార్వభౌమ పసిడి పథకంలో 8 గ్రాముల బంగారం ధర రూ.26,400 వద్ద స్థిరంగా కొనసాగుతోంది.
కేజీ వెండి రూ.350 తగ్గుదలతో రూ.38,200కు క్షీణిస్తే.. వారాంతపు ఆధారిత డెలివరీ రూ.333 తగ్గుదలతో రూ.37,227కు తగ్గింది. ఇక 100 వెండి నాణేల కొనుగోలు, అమ్మకం విషయానికి వస్తే.. కొనుగోలు ధర రూ.80,000 వద్ద, అమ్మకం ధర రూ.81,000 వద్ద స్థిరంగా కొనసాగింది.
హైదరాబాద్‌లో10 గ్రాముల 24 క్యారెట్ల బంగారం ధర రూ.31,800కు, 22 క్యారెట్ల బంగారం ధర రూ.30,290కు తగ్గింది. కేజీ వెండి ధర రూ.40,300 వద్ద స్థిరంగా కొనసాగుతోంది.
