పశ్చిమబెంగాల్ లో జూన్ 25వ తేదీ ఆదివారం తెల్లవారుజామున మరో ఘోర రైలు ప్రమాదం జరిగింది. బంకురా సమీపంలో రెండు గూడ్స్ రైళ్లు ఢీకొట్టుకున్నాయి. దీంతో 12 బోగీలు పట్టాలు తప్పాయి. ఒండా రైల్వే స్టేషన్ లో ఈ ఘటన చోటు చేసుకుంది.
గూడ్స్ రైళ్లలో ఒకటి మరో రైలును వెనుక నుంచి ఢీకొట్టడంతో 12 వ్యాగన్లు పట్టాలు తప్పాయి. అయితే ఈ ప్రమాదంలో ఎలాంటి ప్రాణ నష్టం జరగలేదు. గూడ్స్ రైలు డ్రైవర్ కు స్వల్ప గాయాలయ్యాయి.
ఈ ప్రమాదంతో ఆద్రా డివిజన్ లోని రైళ్ల రాకపోకలకు అంతరాయం ఏర్పడింది. ఫురూలియా ఎక్స్ ప్రెస్ వంటి రైళ్లు ఆలస్యంగా నడుస్తాయని రైల్వే అధికారులు తెలిపారు.
