వికారాబాద్, వెలుగు: వికారాబాద్ రైల్వే స్టేషన్లో కోణార్క్, రాజ్ కోట్ ఎక్స్ ప్రెస్ రైళ్లకు తాత్కాలిక హాల్టింగ్ ఉంటుందని సౌత్ సెంట్రల్ రైల్వే అధికారులు మంగళవారం ఓ ప్రకటనలో తెలిపారు. ముంబయి నుంచి భువనేశ్వర్ వెళ్లే కోణార్క్ ఎక్స్ ప్రెస్ ఈ నెల 30,31 తేదీల్లో ఫిబ్రవరి 10,11,12 తేదీల్లో వికారాబాద్ రైల్వే స్టేషన్లో ఆగుతుందన్నారు. ఇవే తేదీల్లో రాజ్కోట్ నుంచి సికింద్రాబాద్ వెళ్లే రాజ్కోట్ ఎక్స్ప్రెస్ సైతం వికారాబాద్ స్టేషన్లో ఆగుతుందన్నారు.
అదేవిధంగా ఫిబ్రవరి 2,3,14,15 తేదీల్లో భువనేశ్వర్ నుంచి ముంబయి వెళ్లేప్పుడు సైతం కోణార్క్ ఎక్స్ ప్రెస్కు వికారాబాద్ స్టేషన్లో హాల్టింగ్ ఉంటుందన్నారు. ఫిబ్రవరి 3,4,15,16 తేదీల్లో సికింద్రాబాద్ నుంచి రాజ్ కోట్ వెళ్లేప్పుడు రాజ్ కోట్ ఎక్స్ ప్రెస్కు హాల్టింగ్ ఉంటుందని అధికారులు తెలిపారు. ప్యాసింజర్ల రెస్పాన్స్ను చూసి వికారాబాద్ స్టేషన్ ఈ రైళ్లకు హాల్టింగ్ ఇచ్చేందుకు చర్యలు తీసుకుంటామన్నారు.
