- విమర్శలను మీ విజ్ఞతకే వదిలేస్త: మాజీ మంత్రి హరీశ్రావు
హైదరాబాద్, వెలుగు : తనపై సీఎం రేవంత్రెడ్డి అరిగిపోయిన గ్రామ్ఫోన్ రికార్డులా అగ్గిపెట్టె ముచ్చట చెప్తున్నారని.. తెలంగాణ ఉద్యమంలో ఉన్నోళ్లకు వాస్తవాలు ఏంటో తెలుస్తయని మాజీ మంత్రి హరీశ్రావు అన్నారు. అసెంబ్లీలో సీఎం రేవంత్తనపై చేసిన కామెంట్లపై హరీశ్ స్పందించారు. ‘‘ఉద్యమం చేసినోళ్లా.. అమరుల కుటుంబాలను పరామర్శించినోళ్లా.. వాళ్ల పాడె మోసినోళ్లా.. ఉద్యమకారులపైకి తుపాకులతో పోయినోళ్లకు తెలంగాణ పోరాటం.. అమరవీరుల గురించి తెలుస్తదని అనుకోను.. ఇక అరిగిపోయిన గ్రామ్ఫోన్రికార్డులా అగ్గిపెట్టె ముచ్చట మాట్లాడటం బంద్చేయండి.. నన్ను కించపరిచి రాజకీయంగా విమర్శిస్తం అంటే అది మీ విజ్ఞతకే వదిలేస్త” అని అన్నారు. సీఎం రేవంత్ వ్యంగ్యం తగ్గించుకొని.. వ్యవహారం నేర్చుకోవాలన్నారు.
ఒకటో తేదీన జీతాలు ఇవ్వలే
ఎస్ఎల్బీసీ టన్నెల్ విషయంలో సీఎం సభను తప్పుదోవ పట్టించారని హరీశ్రావు అన్నారు. తమ ప్రభుత్వంలో ఒక్క కి.మీ. మాత్రమే తవ్వామని చెప్తున్నారని, తాము 11 కి.మీ.ల దూరం టన్నెల్తవ్వామని చెప్పారు. అసెంబ్లీ ఎన్నికలకు కొన్ని గంటల ముందు ఏపీ పోలీసులు నాగార్జున సాగర్ను ఆక్రమించారని, ఎన్నికల సమయంలో అధికారులు ఎలక్షన్ కమిషన్ఆధ్వర్యంలో పని చేస్తారని, అప్పుడు ప్రభుత్వం ఉన్నా నామమాత్ర పాత్రే ఉంటుందని తెలిపారు. కేఆర్ఎంబీకి తాము బడ్జెట్లో రూ.200 కోట్లు కేటాయించామని, ప్రాజెక్టులు అప్పగించేందుకు పెట్టిన షరతులను కేంద్రం అమలు చేయలేదు కాబట్టి ప్రాజెక్టులు అప్పగించలేదన్నారు. కేంద్రం జారీ చేసిన అధికారిక మినిట్స్లోని అంశాలను మాత్రమే తాను చెప్తున్నానని తెలిపారు. ప్రభుత్వం ఒకటో తేదీన జీతాలు ఇచ్చిందని సభలో సీఎం అబద్ధాలు చెప్పారని, ఆరు, ఏడో తేదీ వరకు జీతాలు ఇచ్చారని తెలిపారు. ఇప్పటికీ కాంట్రాక్టు, ఔట్సోర్సింగ్ఉద్యోగులకు జీతాలు ఇవ్వలేదని తెలిపారు. జనవరి నెలలో ఒక్కరికి కూడా పింఛన్ ఇవ్వలేదని, ఆ పింఛన్లు ఇప్పుడు లబ్ధిదారుల ఖాతాల్లో వేస్తున్నారని తెలిపారు.
