- ఈ నెల 13 వరకు ఎలాంటి చర్యలు చేపట్టవద్దంటూ హైకోర్టు ఆదేశం
యాదగిరిగుట్ట, వెలుగు: యాదగిరిగుట్ట శ్రీలక్ష్మీనరసింహస్వామి దేవస్థానంలో కొండపై ఉన్న 10 తాత్కాలిక మొబైల్ షాపుల లీజు రెన్యూవల్ వివాదంపై రాష్ట్ర హైకోర్టు కీలక నిర్ణయం తీసుకుంది. దేవాదాయ శాఖ నిబంధనలకు విరుద్ధంగా లీజును పొడిగిస్తూ ఆలయ ఈవో భవానీ శంకర్ జారీ చేసిన ఉత్తర్వులపై ఈ నెల 13వ వరకు ఎలాంటి తదుపరి చర్యలు తీసుకోకూడదని హైకోర్టు ఆదేశించింది.
కేసు వివరాల్లోకి వెళ్తే.. యాదగిరిగుట్టపై 10 తాత్కాలిక మొబైల్ షాపుల లీజును 'శ్రీలక్ష్మీనరసింహస్వామి వర్తక సంక్షేమ సంఘానికి' అనుకూలంగా షాపులను రెన్యూవల్ చేస్తూ ఆలయ ఈవో భవానీ శంకర్ జులై 9న ఉత్తర్వులు జారీ చేశారు.
