హైదరాబాద్: వృత్తిరీత్యా సమాజ సేవ చేసేందుకు భార్య చేస్తున్న కృషికి గుర్తింపుగా.. జీవిత భాగస్వామి కెరీర్లో రాణించాలని ఓ భర్త చేసిన పని ఇప్పుడు సోషల్ మీడియాలో వైరల్ అవుతోంది. హెడ్‌కానిస్టేబుల్‌ శిక్షణ ముగించుకుని ఇంటికి వచ్చిన భార్యకు ఊహించని రీతిలో ఘన స్వాగతం పలికాడు. ఎల్లకాలం గుర్తుండిపోయేలా స్వాగతం పలికాడు. బ్యాండ్, బాజా మరియు క్రాకర్లతో కుటుంబ సభ్యులు, బంధు మిత్రులతో కలిసి వినూత్న రీతిలో వెల్ కమ్ చెప్పాడు. వివరాల్లోకి వెళితే..
హైదరాబాద్ లో ఇంజనీర్‌గా పనిచేస్తున్న రోనాల్డ్ బాసిల్ తన భార్య దీనాకు బ్యాండ్, బాజా, క్రాకర్లతో స్వాగతం పలికారు. ఆమెను ఆశ్చర్యంలో ముంచెత్తుతూ ఆమెకు వెల్ కమ్ పార్టీని కూడా ఏర్పాటు చేశాడు. ఈ ప్రేమ ప్రదర్శన వీడియోలు సోషల్ మీడియా ప్లాట్‌ఫామ్‌లలో వైరల్‌గా మారాయి.
దీనా హైదరాబాద్‌లోని ఎస్‌ఆర్‌ నగర్‌ పోలీసులకు డిప్యూటేషన్‌ ఇచ్చారు. ఆమె ఇటీవలే హెడ్ కానిస్టేబుల్‌గా పదోన్నతి పొందింది. హెడ్ కానిస్టేబుల్‌గా తన విధులను నిర్వర్తించే ముందు, ఆమె 45 రోజుల శిక్షణ తీసుకొని వచ్చింది. దీని కోసం ఆమె తన 18 నెలల బిడ్డ, కుటుంబాన్ని విడిచిపెట్టింది. సమాజానికి సేవ చేసేందుకు ఆమె చేస్తున్న కృషికి గుర్తింపుగా, జీవిత భాగస్వావీ కెరీర్లో రాణించేలా ప్రోత్సహించేందుకు బాసిల్ ఈ గ్రాండ్ వెల్‌కమ్‌ను ఏర్పాటు చేశారు.
శుక్రవారం దీనా తన ఇంటికి వచ్చినప్పుడు డప్పు దరువులు, క్రాకర్లతో ఆమె కుటుంబ సభ్యులు, స్నేహితులు డ్యాన్సులు చేస్తూ ఆమెకు స్వాగతం పలికారు. ఇన్‌స్టాగ్రామ్‌లో షేర్ చేసినప్పటి నుంచి ఈ వీడియో మిలియన్ వ్యూస్‌ను చేరుకుంది.
